Með viljann að vopni Endurlit 1970 -1980 | listasafnreykjavikur.is

Veldu ár

2017 (15)
2016 (17)
2015 (20)
2014 (19)
2013 (17)
2012 (17)
2011 (23)
2010 (26)
2009 (26)
2008 (24)
2007 (26)
2006 (14)
2005 (16)
2004 (24)
2003 (32)
2002 (18)
2001 (20)
2000 (19)
1999 (13)
1998 (11)
1997 (14)
1996 (17)
1995 (17)
1994 (17)
1993 (22)
1992 (27)
1991 (24)
1990 (24)
1989 (25)
1988 (38)
1987 (38)
1986 (26)
1985 (28)
1984 (34)
1983 (28)
1982 (30)
1981 (26)
1980 (27)
1979 (21)
1978 (23)
1977 (21)
1976 (24)
1975 (19)
1974 (11)
1973 (11)
04.09.2010
07.11.2010

Með viljann að vopni Endurlit 1970 -1980

Áttundi áratugur síðustu aldar var viðburðaríkur á ýmsum sviðum íslensks samfélags, jafnt efnahagslega sem félags- og menningarlega. Oft er skírskotað til hans sem „kvennaáratugarins“ en nýja kvennahreyfingin, sem nefnd hefur verið önnur bylgja femínisma og laust niður sem eldingu austan hafs og vestan, barst einnig til Íslands og fór af stað á fullri ferð. Á sýningunni „Með viljann að vopni“ er litið aftur til áranna 1970-1980 en sýnendur eiga það sameiginlegt að vera meðal þeirra fjölmörgu íslensku kvenna sem þá störfuðu að myndlist. Margar þeirra komust til þroska í andrúmi þessa tíma, þótt aðrar hafi þá þegar verið mótaðar. Hér er þess freistað að kanna áhrif femínisma og hreyfinga frjálsrar myndlistar á borð við hugmyndalistina og nýju textíllistina á listsköpun þeirra.

Heimilið: Með framsetningu hinnar raunsæju myndar, sem varð hluti af kvennamenningunni, fóru konur að túlka sjálfar sig og stöðu sína út frá eigin forsendum og skapa list sem endurspeglaði líf þeirra. Hinn títtnefndi „reynsluheimur kvenna“, sem sprottinn var úr persónulegri reynslu, varð gjaldgengur og sýnilegur sem myndefni, jafnrétthár og hvað annað og bar um leið með sér sameiginlega mannlega merkingu. Konur lýstu vinnustað sínum, heimilinu, í öllum sínum fjölbreytileika, sem öðlaðist um leið nýja merkingu.

Pólitískar skírskotanir: Andúð á stríðsrekstri stórveldanna sem leiddi til mótmæla víða um heim setti svip sinn á áratuginn og á Íslandi beindist athyglin að herstöð Bandaríkjamanna á Miðnesheiði og aðild Íslands að Nató. Einnig hljóp meiri harka í stéttapólitík, krafan um launajafnrétti karla og kvenna varð háværari og fiskverkakonur og farandverkamenn börðust í sameiningu fyrir bættum kjörum,

Umhverfisvernd: Vaxandi áhugi á umhverfisvernd kom fram í kjölfar virkjanaframkvæmda á hálendinu og niðurrifs gamalla húsa og eyðileggingar annarra menningarverðmæta.

Viðburðir tengdir sýningu: 
Opnunarræða Frú Vigdísar Finnbogadóttur k(v)k-smiðja í tengslum við sýninguna Með viljann að vopni Jafnrétti kynjanna, kvenleiki og karllæg viðhorf fá á sig áhugaverða mynd í norðursal Kjarvalsstaða í k(v)k-smiðju, sem verður opnuð í tengslum við sýninguna Með viljann að vopni. Þar býðst fjölskyldum og nemendum að glíma við spurningar og verkefni er varða jafnréttismál með það að markmiði að veita raunsæja mynd af stöðu kynjanna í samfélaginu og vekja ungt fólk til umhugsunar. k(v)k-smiðja er unnin í samstarfi við höfunda Kynungabókar sem gefin var út af mennta- og menningarmálaráðuneytinu í ágúst 2010, Ragneiði Bjarnarson, dansara og Skotturnar – opinn samstarfsvettvang ætlaðan til virkni í þágu jafnréttisbaráttu, með kvennafrídaginn sem útgangspunkt. Safnaskottur - Dagskrárveisla. 9. - 25. október Dagskrá: Sunnudag 12. september kl. 15 Kjarvalsstaðir – Með viljann að vopni Sýningastjóraspjall. Hrafnhildur Schram ræðir við gesti um sýninguna. Sunnudag 10. október kl. 15 Kjarvalsstaðir – Með viljann að vopni Fyrirlestur. Þóra Þórisdóttir myndlistarkona talar um konur og myndlist. Sunnudag 17. október kl. 15 Kjarvalsstaðir – Með viljann að vopni Hildur Hákonardóttir tekur þátt í leiðsögn um sýninguna. Sunnudag 24. október Kjarvalsstaðir – Með viljann að vopni 35 ára afmæli kvennafrídags. Sunnudag 31. október kl. 15 Kjarvalsstaðir – k(v)k – smiðja og Með viljann að vopni Fjölskylduleiðsögn. Sunnudag 7. nóvember kl. 15 Kjarvalsstaðir – Með viljann að vopni Ragnheiður Jónsdóttir tekur þátt í leiðsögn um sýninguna.