Jóhannes S. Kjarval: Hugur og heimur

05.02.2016
21.08.2016

Kjarvalsstaðir voru opnaðir á ný eftir endurbætur þann 5. febrúar með umfangsmikilli Kjarvalssýningu sem er bæði í austur- og vestursal safnsins. Sýningin er tvískipt en meginuppistaða hennar eru sjaldséð verk úr einstæðu einkasafni hjónanna Þorvaldar Guðmundssonar (1911-1998) og Ingibjargar Guðmundsdóttur (1908-2004), sem varðveitt eru í Gerðarsafni, en einnig eru sýnd verk úr safneign Listasafns Reykjavíkur. Á sýningunni gefst gott tækifæri til að kynnast mörgum lykilverkum frá ferli listamannsins og fá innsýn í þau meginstef sem voru uppistaðan í lífsverki hans. Annars vegar landið í öllum sínum fjölbreytileika og hins vegar það líf og þær táknmyndir sem Kjarval skynjaði í landinu, það sem hugurinn nemur ekki síður en það sem augað sér. 

Í einkasafni þeirra Þorvaldar og Ingibjargar eru mörg lykilverk listamannsins þar á meðal Lífshlaupið sem er stór veggmynd frá vinnustofu listamannsins í Austurstræti. Kjarval lauk við að mála Lífshlaupið árið 1933 en í verkinu má greina ýmis atriði sem koma endurtekið fyrir í verkum hans. Þar eru landið og lífsbaráttan sýnileg um leið og greina má fantasíuna sem einkennir stóran hluta ævistarfs Kjarvals. 

 

 

 

Listamaður/-menn: 
Sýningarstjóri/-ar: 
Ólöf K. Sigurðardóttir
Boðskort: 
Sýningarskrá: 

Viðburðir tengdir sýningu

Myndverk sýningarskráa eru birt með undanþáguheimild frá Myndstefi, sbr. nánari skilyrði í viðauka I við samning Myndstefs og Listasafns Reykjavíkur, dags 24. maí 2013. Ef einstakir höfundar hafa athugasemdir við birtinguna eða vilja krefjast lögmætrar þóknunar vegna hennar, skal hafa samband við Myndstef, sem sér um að úr verði bætt og innheimta þóknun vegna notanna.