Hringur Jóhann­esson - Yfir­lits­sýning

Hringur Jóhannesson er einn merkasti raunsæismálari sem fram hefur komið hér á landi. Hann tileinkaði sér snemma myndmál ofurraunsæis og lagði sig fram við að túlka landið og hlutveruleikann á einkar persónulegan hátt. Segja má að Hringur hafi gefið okkur nýja sýn á landið. Á síðastliðnu ári samþykkti menningarmálanefnd að efna til yfirlitssýningar á verkum listamannsins.