Gjörningaklúbburinn

Hafnarhús

-

Gjörningaklúbburinn sýnir afrakstur rúms áratugar hér á þessari fyrstu yfirlitssýningu sinni. Þótt tíu ár séu ekki langur tími hefur Gjörningaklúbburinn þegar hlotið jákvæðar viðtökur víðsvegar um heiminn. Kraftur hans og andagift hefur snert íbúa Helsinki, Kaupmannahafnar, San Francisco, New York, Varsjár og Tókýó – til að nefna nokkrar borgir í þeim fjölmörgu löndum þar sem Gjörningarklúbburinn hefur komið fram og sýnt.

Heima á Íslandi hefur Gjörningaklúbburinn einnig verið áberandi afl innan gjörningalistarinnar.

Verk hans fanga hvað eftir annað athygli almennings og njóta vaxandi vinsælda meðal yngri listamanna og listnema. Engu að síður hefur Gjörningaklúbburinn haldið jaðareinkennum sínum í öll þessi ár þar sem að athafnir hans og viðföng eru ekki auðskilgreinanleg.

Verk Gjörningaklúbbsins heilla áhorfendur með kaldhæðnislegum sjarma, sem er hvort tveggja hugvitsamlegur og lokkandi. Hann virkjar hið hversdagslega og hverfula og gerir það stórfenglegt og eftirminnilegt.

Meðlimir Gjörningaklúbbsins eru Eirún Sigurðardóttir, Jóní Jónsdóttir og Sigrún Hrólfsdóttir..