Ásmundur Sveinsson

Erró

Verkið samanstendur af sjö aðskildum textaverkum þar sem orð eru skorin í svartan pappír. Þegar honum er flett frá koma í ljós tvö afbrigði af bláum pappír undir. Með því að lesa sig í gegnum dekkri litinn þvert í gegnum verkin má greina setninguna Að búandkarlar gerðu sig svo digra að þeir hugðu að skipa lögum í landinu. Þetta er söguleg tilvísun úr svari norsks fulltrúa frá 1280 sem tók þátt í að færa Ísland undir Noregskonungs með því að leggja fram nýjar lagareglur fyrir Alþingi Íslendinga. Verkið glímir við spurningar um mátt og merkingu texta, sögulegrar skráningar og möguleika til ólíkrar túlkunar.

Á tveimur skjám er fylgst með ólíkum athöfnum, sem eru daglegt brauð en virðast við fyrstu sýn eiga fátt sameiginlegt. Þær endurspegla tæknilegar úrlausnir í landbúnaði og samgöngum sem gera okkur kleift að lifa í nútíma neyslusamfélagi. Önnur myndin er frá kúabúi þar sem kýr eru mjólkaðar með mjaltavélum, sjálfvirkum dælum, og hin sýnir tankbíl dæla eldsneyti inn í dælukerfi á bensínstöð. Þessar athafnir eru alla jafna ósýnilegar neytendum og þykja sjálfsagður hlutur en með því að beina sjónum að þeim vekur Ósk áhorfendur til umhugsunar um þá hringrás og þau kerfi sem við hrærumst í. Hún vekur máls á því hver tengsl okkar séu við gjafir náttúrunnar og hvort hringrásin í dælukerfum nútímasamfélags sé eilíf.

Collection