Reykjavík Art Walk App

Málverkið var óvenjulegt á sínum tíma vegna stærðar og uppsetningar og vegna þess að þetta var fyrsta sinn sem Erró notaði fjöldaframleiddar myndir. Ennfremur er það óvenjulegt að hann skeytir saman vélrænum fígúrum og myndefni úr tímaritum. Með því að skipta verkinu í tvo fleka sem mynda rétt horn leikur Erró sér að fjarvídd og spegilmyndun. Verkið er byggt á persónulegri reynslu því að á þessum tíma átti Erró vinkonu sem reykti Lucky Strike og hann þoldi ekki lyktina af reyknum. En gagnrýnin beinist þó fremur gegn neysluþjóðfélaginu almennt og auglýsingaáróðri þess sem ætlað er að umbreyta einstaklingum í „löngunarvélar“ og hvetja þá til samsömunar og eftiröpunar eða, eins og sagt er, til að „apa eftir“.

Collection

Guðmundur Guðmundsson, öðru nafni Erró (f. 1932), er tvímælalaust þekktasti samtímalistamaður Íslendinga. Hann hefur verið þátttakandi í framsæknu listalífi Parísarborgar allt frá árinu 1958, bæði innan súrrealistahreyfingarinnar og einnig sem einn af forvígismönnum popplistarinnar eða evrópska frásagnarmálverksins. Erró byggir verk sín á tilvísunum í myndir annarra sem hann klippir saman og flytur yfir á léreftið. Hann segir frá með myndmáli ofurraunsæis og teiknimynda og frásögn hans er ýmist einföld og kyrrstæð eða flókin og yfirgengileg. Hann klippir og sundurgreinir, límir og endurbyggir flóknar sögur þar sem viðfangsefnin eru ýmist pólitík, erótík, listasagan, ævisögur, skáldsagnapersónur, teiknimyndahetjur og vísindaskáldskapur eða eigin listaverk. 1951 Guðmundur útskrifast úr kennaradeild Myndlista- og handíðaskólans um vorið með hæstu einkunn1952 Fer til náms í Listakademíuna í Osló.1953 Mósaíksýning frá Ravenna sem haldin er í Osló vekur aðdáun Guðmundar.Hann ferðast til Spánar og ákveður að taka upp listamannsnafnið Ferró.1954 Innritast í Listakademíuna í Flórens.1955 Fær inngöngu í mósaíkskóla í Ravenna (Scuola del Mosaico). Tekur þátt í samsýningu ungra erlendra listamanna í Galleria Santa Trinita í Flórens. Í kjölfarið skipuleggur galleríið fyrstu einkasýningu Ferrós. Kynnist hinni ísraelsku Myriam Bat-Yosef. 

Collection

Work