Ásmundur Sveinsson

Erró

Þetta verk er klippimynda-málverk, þ.e.a.s. málverk sem unnið er út frá klippimynd. Erró fann upp þessa tækni í París árið 1959. Þannig bjó hann til um hundrað klippimyndir með myndum sem hann valdi í tæknitímaritum og vinsælum blöðum en þessi aðferð var mjög í hávegum höfð hjá dadaistum og súrrealistum. Hann klippti út myndir úr blöðum eins og L’Usine nouvelle, Life, Elle og Marie-Claire og notaði þær í vélklippimyndirnar Méca-Make-Up (Vélförðun) en þar er vélum og vélarhlutum blandað saman við ýmis líffæri úr mannslíkamanum. Hann valdi síðan úr þessum klippimyndum nokkrar myndir sem hann notaði sem fyrirmyndir að málverkum í syrpunni Vélförðun en Píanó-munnur er mjög gott dæmi um þau verk. Þessi syrpa tengist því þema sem er kjarninn í listsköpun Errós á þessum árum – hinu vélræna í mannlegri tilveru. 

Collection

Guðmundur Guðmundsson, öðru nafni Erró (f. 1932), er tvímælalaust þekktasti samtímalistamaður Íslendinga. Hann hefur verið þátttakandi í framsæknu listalífi Parísarborgar allt frá árinu 1958, bæði innan súrrealistahreyfingarinnar og einnig sem einn af forvígismönnum popplistarinnar eða evrópska frásagnarmálverksins. Erró byggir verk sín á tilvísunum í myndir annarra sem hann klippir saman og flytur yfir á léreftið. Hann segir frá með myndmáli ofurraunsæis og teiknimynda og frásögn hans er ýmist einföld og kyrrstæð eða flókin og yfirgengileg. Hann klippir og sundurgreinir, límir og endurbyggir flóknar sögur þar sem viðfangsefnin eru ýmist pólitík, erótík, listasagan, ævisögur, skáldsagnapersónur, teiknimyndahetjur og vísindaskáldskapur eða eigin listaverk. 1951 Guðmundur útskrifast úr kennaradeild Myndlista- og handíðaskólans um vorið með hæstu einkunn1952 Fer til náms í Listakademíuna í Osló.1953 Mósaíksýning frá Ravenna sem haldin er í Osló vekur aðdáun Guðmundar.Hann ferðast til Spánar og ákveður að taka upp listamannsnafnið Ferró.1954 Innritast í Listakademíuna í Flórens.1955 Fær inngöngu í mósaíkskóla í Ravenna (Scuola del Mosaico). Tekur þátt í samsýningu ungra erlendra listamanna í Galleria Santa Trinita í Flórens. Í kjölfarið skipuleggur galleríið fyrstu einkasýningu Ferrós. Kynnist hinni ísraelsku Myriam Bat-Yosef. 

Collection

Work