Ásmundur Sveinsson

Erró

Kjarval

Samklipp er aðferð sem Erró uppgötvaði fyrst og kannaði sem nemandi við Mynd- og handíðaskóla Íslands í Reykjavík á árunum 1950–1951. Með því að nota rifna eða klippta pappírsbúta, sem hann hafði litað í höndunum fyrirfram, skapaði hann bæði óhlutbundin og fígúratíf verk. Innblástur sótti hann bæði í sögu nútímalistar og í myndlistarhefð samtímans.Maður og vél er lífleg, litrík og glaðleg klippimynd í anda Matisse, sem sýnir samhljóm milli manns og vélar í nútímasamfélagi. Í miðjunni sést maður í virku samspili við flókið kerfi hjóla og trissa, og virðist hann hafa fulla stjórn. Líkt og eldur – sem mannkynið náði að beisla – er tæknin hér sýnd sem öflugur bandamaður sem styður við framfarir mannkynsins. Þessi bjartsýna sýn er í skýrri andstöðu við þá afstöðu sem Erró tók síðar á svokölluðu „véltímabili“ sínu, þar sem vélar tákna fremur eyðileggingu en framfarir.

Collection

Guðmundur Guðmundsson, öðru nafni Erró (f. 1932), er tvímælalaust þekktasti samtímalistamaður Íslendinga. Hann hefur verið þátttakandi í framsæknu listalífi Parísarborgar allt frá árinu 1958, bæði innan súrrealistahreyfingarinnar og einnig sem einn af forvígismönnum popplistarinnar eða evrópska frásagnarmálverksins. Erró byggir verk sín á tilvísunum í myndir annarra sem hann klippir saman og flytur yfir á léreftið. Hann segir frá með myndmáli ofurraunsæis og teiknimynda og frásögn hans er ýmist einföld og kyrrstæð eða flókin og yfirgengileg. Hann klippir og sundurgreinir, límir og endurbyggir flóknar sögur þar sem viðfangsefnin eru ýmist pólitík, erótík, listasagan, ævisögur, skáldsagnapersónur, teiknimyndahetjur og vísindaskáldskapur eða eigin listaverk. 1951 Guðmundur útskrifast úr kennaradeild Myndlista- og handíðaskólans um vorið með hæstu einkunn1952 Fer til náms í Listakademíuna í Osló.1953 Mósaíksýning frá Ravenna sem haldin er í Osló vekur aðdáun Guðmundar.Hann ferðast til Spánar og ákveður að taka upp listamannsnafnið Ferró.1954 Innritast í Listakademíuna í Flórens.1955 Fær inngöngu í mósaíkskóla í Ravenna (Scuola del Mosaico). Tekur þátt í samsýningu ungra erlendra listamanna í Galleria Santa Trinita í Flórens. Í kjölfarið skipuleggur galleríið fyrstu einkasýningu Ferrós. Kynnist hinni ísraelsku Myriam Bat-Yosef. 

Collection

Work