Erró

Ásmundur Sveinsson

Kjarval

L'Oxygénation d'Erasme

La Famille française (Hommage à Léger) / Franska fjölskyldan (Til heiðurs Léger)

La Prière

Án titils

Leonardo Da Vinci

Eftir vélræna skeið sitt (1958–1963), þar sem Erró skapaði grímur og aðra leikmuni fyrir kvikmyndina Vélkonsert fyrir klikkunina, eða Hin klikkaða vélmyndbreyting, vann hann aðeins örfá samsetningarverk á völdum tímum á ferli sínum.
Árið 1969 gerði hann tilraunir með snúningsaðferðir í verkaröðinni Snúningsmálverk, sem byggð var á klippimyndum. Þar skar hann einfaldlega út eina eða fleiri hringlaga sneiðar úr endurprentuðum málverkum, hreyfði þær ekki úr stað en sneri þeim. Sama ár beitti hann svipaðri nálgun í þrívídd, í höggmyndum. Hann fann tvær gifsstyttur af Beethoven í verslun í París – styttu af þeirri gerð sem gjarnan eru notaðar til æfinga í listasöfnum – og skar þær í þrjá hluta. Hann snéri miðhlutanum, sem varð til þess að andlitin röskuðust, og skapaði nýja, brenglaða mynd.
Þetta ruglandi en gáskafulla verk er lúmsk skopstæling á sundurgreiningu kúbismans og brotakenndri sýn á veruleikann. Á þessum tíma var Erró djúpt sokkinn í ólík form niðurbrots, hann var meðvitað að ögra ríkjandi hugmyndum, endurmeta menningarleg viðhorf og draga í efa hvernig fjölmiðlar og listasagan sjálf túlka sögulegar persónur og tákn valds og yfirráða.

Collection

Erró

Work