Ásmundur Sveinsson

Erró

Kjarval

Það er líkt og ákveðinn hvítþvottur hafi átt sér stað. Myndin sýnist yfirlýst og það lítur út fyrir að daufur liturinn sé að leysast upp af striganum. Litameðferðin getur gefið í skyn að myndefnið sé minning en einnig getur hún vísað í sótthreinsað umhverfi hjúkrunarfræðinga, sem leiðir til hugmyndarinnar um hreinleika. Listamaðurinn lýsir því að í kjölfar ummæla breskrar þingkonu um of marga ljóshærða hjúkrunarfræðinga á breskum sjúkrahúsum hafi áhugi hans vaknað á staðalímyndum um ljósa lokka og norrænt útlit, kynþáttafordómum og hugmyndum um hreinleika.  

Birgir hefur lengi unnið með staðalímyndir ljóskunnar í viðamiklum myndaröðum, þar sem magn og endurtekning er ríkur þáttur í upplifun verkanna. Magnið ýtir undir merkingu verksins en endurtekningin afhelgar hana og opinberar í leiðinni. Dæmi um slík verk eru: Ljóshærðir hjúkrunarfræðingar, Ljóshærð ungfrú heimur 1951–; Ljóshærðir tónlistarmenn.

Collection

Birgir Snæbjörn Birgisson (f. 1966) stundaði nám við Mennta-skólann á Akureyri, Myndlistaskólann á Akureyri, Myndlista- og handíðaskóla Íslands og École des Arts Décoratifs, Strasbourg, Frakklandi. Hann hefur haldið fjölda einkasýninga í Reykjavík, Kópavogi, Hafnarfirði og á Akureyri. Einnig hefur hann tekið þátt í fjölda samsýninga hér heima og erlendis, til dæmis í Frakklandi, Englandi, Þýskalandi, Færeyjum, Noregi, Danmörk, Svíþjóð, Finnlandi, Tyrklandi og Japan. Verk eftir Birgi er að finna í Listasafni Íslands, Listasafni Reykjavíkur, Listasafninu á Akureyri, Menntaskólanum á Akureyri og víðar. Birgir Snæbjörn er búsettur í Reykjavík.Tekið af heimasíður Listasafnsins á Akureyri www.listasafn.akureyri.is

Collection

Work