Zilvinas Kempinas: Brunnar | listasafnreykjavikur.is

Veldu ár

2017 (15)
2016 (17)
2015 (20)
2014 (19)
2013 (17)
2012 (17)
2011 (23)
2010 (26)
2009 (26)
2008 (24)
2007 (26)
2006 (14)
2005 (16)
2004 (24)
2003 (32)
2002 (18)
2001 (20)
2000 (19)
1999 (13)
1998 (11)
1997 (14)
1996 (17)
1995 (17)
1994 (17)
1993 (22)
1992 (27)
1991 (24)
1990 (24)
1989 (25)
1988 (38)
1987 (38)
1986 (26)
1985 (28)
1984 (34)
1983 (28)
1982 (30)
1981 (26)
1980 (27)
1979 (21)
1978 (23)
1977 (21)
1976 (24)
1975 (19)
1974 (11)
1973 (11)
14.09.2013
05.01.2014

Zilvinas Kempinas: Brunnar

Árið 2011 bjó Zilvinas Kempinas til sjálfstæðan skúlptúr þar sem fjöldi segulbandslengja flaksast kröftuglega í gusti frá öflugri viftu. Viftan er á hvolfi í miðju hrings og blæs loftinu niður. Þar sem kringlóttur málmumbúnaðurinn er aðeins opinn á hliðinni, þeyta viftuspaðarnir loftinu lárétt allt um kring. Í gustinum flaksast og bylgjast svartir segulbandsþræðirnir allt að mörkum hringsins – líkastir bárum sem brotna á sjávarströnd, eða öldum vatns sem skellur í sífellu á fyrirstöðu. Þetta er skúlptúr í „óhefðbundnum“ skilningi, tilviljunarkennd ummyndun segulbandanna breytir hinni sýnilegu mynd, hefur sig yfir efnið og lyftir verkinu upp í fjórðu víddina þar sem birtist ákveðin skynjun á tíma og hreyfingu í rými.

Á þessari sýningu magnar Kempinas upp óreglubundnar sveifluhreyfingar segulbandsræmanna og setur þær í innsetninguna Brunnar og notar til þess margar viftur. Hann meðhöndlar hverja viftu sem einstakt breytilegt fyrirbæri og endurtekur það til að láta í ljós hliðstæðan veruleika. Þetta er alheimur sem virðist búa yfir vissum líkindum sem umbreyta sér með tímanum og í rýminu.

Zilvinas Kempinas fæddist árið 1969. Hann útskrifaðist úr málaradeild Listaháskólans í Vilníus árið 1993, og með MFA-gráðu í samtengdum miðlum frá Hunter College í New York-borg árið 2002. Árið 2003, eftir einkasýningu í P.S.1. samtímalistamiðstöðinni í New York, var honum boðið að taka þátt í fjölda sýninga í Bandaríkjunum og víðar. Hann hlaut Calder-verðlaunin frá Calder-stofnuninni árið 2007, og var fulltrúi Litháens á 53. Feneyjatvíæringnum árið 2009. Hann býr og starfar í New York-borg.

Listamaður/-menn: 
Boðskort: 
Myndir frá opnun: