Þín samsetta sjón - Úrvalsverk úr safneigninni 1970-2010 | listasafnreykjavikur.is

Veldu ár

2017 (16)
2016 (18)
2015 (20)
2014 (19)
2013 (17)
2012 (17)
2011 (23)
2010 (26)
2009 (26)
2008 (24)
2007 (26)
2006 (14)
2005 (16)
2004 (24)
2003 (32)
2002 (18)
2001 (20)
2000 (19)
1999 (13)
1998 (11)
1997 (14)
1996 (17)
1995 (17)
1994 (17)
1993 (22)
1992 (27)
1991 (24)
1990 (24)
1989 (25)
1988 (38)
1987 (38)
1986 (26)
1985 (28)
1984 (34)
1983 (28)
1982 (30)
1981 (26)
1980 (27)
1979 (21)
1978 (23)
1977 (21)
1976 (24)
1975 (19)
1974 (11)
1973 (11)
24.05.2014
07.09.2014

Þín samsetta sjón - Úrvalsverk úr safneigninni 1970-2010

Á sýningunni má sjá úrval samtímalistaverka úr safneign Listasafns Reykjavíkur. Verkin eru eftir þrjár kynslóðir listamanna, frá árunum 1970 – 2010.

Upphaf íslenskrar samtímalistar má rekja til sjöunda áratugar síðustu aldar þegar ný kynslóð listamanna kom fram undir merkjum SÚM. Á sýningunni má sjá verk nokkurra frumkvöðla þessarar hreyfingar, inn á milli verka yngri listamanna. Hér er ekki gerð tilraun til að rekja línulega sögu íslenskrar myndlistar, heldur að gefa hugmynd um þær margvíslegu leiðir sem listamenn hafa farið á þessum fjörutíu árum. Fjölbreytnin er mikil. Að hluta til er skýringu að finna í fjölbreyttri menntun íslenskra listamanna, sem hafa sótt sér framhaldsmenntun víða um Evrópu og Norður-Ameríku. En þó þeir hafi flutt ýmsa strauma og stefnur heim með sér hafa hugmyndirnar og efnistökin þroskast enn frekar í þeim suðupotti ólíkra áhrifa sem hér hafa skapast. Ákveðin orðræða hefur orðið til og sett svip sinn á list þessara þriggja kynslóða. Og þannig má greina ‚samræður‘ á milli verka listamanna á ólíkum aldri, eins og reynt er að draga fram í þeim fimm sölum sem sýningin spannar. Sú heild sem skapast er þó margradda og jafnvel þegar ‚þjóðararfurinn‘ og náttúran er tekinn fyrir eru efnistökin um margt ólík.

Listasafn Reykjavíkur er stærsta listasafn landsins en safneignin telur alls um sautján þúsund verk. Á Kjarvalsstöðum má sjá verk frá fyrrihluta tuttugustu aldarinnar auk verka Kjarvals og í Ásmundarsafni er að finna úrvalsverk Ásmundar Sveinssonar.

Sýningarstjóri: Hafþór Yngvason

Viðburðir tengdir sýningu: 
Dagskrá: Júní - ágúst Leiðsagnir á ensku alla fimmtudaga kl. 18. Laugardag 14. júní kl. 15 Sýningarstjóraspjall. Laugardag 23. ágúst. Menningarnótt 2014 Fjölbreytt dagskrá í tengslum við sýninguna.