Ný aðföng 2006 - 2010 | listasafnreykjavikur.is

Veldu ár

2017 (15)
2016 (17)
2015 (20)
2014 (19)
2013 (17)
2012 (17)
2011 (23)
2010 (26)
2009 (26)
2008 (24)
2007 (26)
2006 (14)
2005 (16)
2004 (24)
2003 (32)
2002 (18)
2001 (20)
2000 (19)
1999 (13)
1998 (11)
1997 (14)
1996 (17)
1995 (17)
1994 (17)
1993 (22)
1992 (27)
1991 (24)
1990 (24)
1989 (25)
1988 (38)
1987 (38)
1986 (26)
1985 (28)
1984 (34)
1983 (28)
1982 (30)
1981 (26)
1980 (27)
1979 (21)
1978 (23)
1977 (21)
1976 (24)
1975 (19)
1974 (11)
1973 (11)
20.11.2010
23.01.2011

Ný aðföng 2006 - 2010

Í samþykkt borgarráðs fyrir Listasafn Reykjavíkur segir:

„Listaverkaeign Reykjavíkurborgar samanstendur af sérsöfnum listaverka sem eru merkt Ásmundi Sveinssyni, Erró og Jóhannesi S. Kjarval, byggingarlistasafni, almennri listaverkaeign borgarinnar og myndverkum á almannafæri.“

„Listasafn Reykjavíkur skal hafa yfir að ráða svo fullkomnu safni íslenskrar myndlistar sem unnt er, skrá það, varðveita og sýna.  Leitast skal við að afla verka sem endurspegla sem best strauma og stefnur í íslenskri myndlist á hverjum tíma, sem og verka sem tengjast listsköpun í Reykjavík.“

„Sérstök innkaupanefnd annast kaup listaverka til safnsins í samræmi við fjárheimildir í fjárhagsáætlun ... Innkaupanefnd skal skipuð þremur einstaklingum sem hafa yfirgripsmikla þekkingu á myndlist: Safnstjóra og tveimur einstaklingum sem skipaðir eru af menningar- og ferðamálaráði til tveggja ára í senn að fenginni tillögu safnstjóra og umsögn sviðsstjóra. Annan þessara tveggja einstaklinga skal stjórn Sambands íslenskra myndlistarlistarmanna (SÍM) tilnefna ...Við val listaverka til safnsins ber að fara eftir listrænu gildi þeirra.“

Á þessari sýningu má sjá mörg af þeim 245 listaverkum sem keypt hafa verið af innkaupanefnd safnsins á undanförnum 5 árum. Í kaupunum hefur verið reynt að endurspegla margbreytileika íslenskrar nútíma- og samtímalistar. Ný listaverk hafa verið keypt á sýningum og á vinnustofum listamanna. Nokkrar innsetningar hafa verið pantaðar sérstaklega af listamönnum sem vinna helst í það listform. Eldri verk hafa einnig verið keypt til að gera listrænni þróun einstakra listamanna betri skil eða til að gefa fyllri mynd af ákveðnum tímabilum í íslenskri listasögu. Hvað skiptir máli fyrir framtíðina verður aldrei endanlega ákvarðað og því er mikilvægt að endurskoða safneignina stöðugt og leita að því sem áður var horft framhjá eða hefur öðlast nýtt gildi með breyttum tímum.

Síðan 2005 hafa Hrafnhildur Schram, Dr. Christian Schoen, Sólveig Aðalsteinsdóttir og Birta Guðjónsdóttir átt sæti í innkaupanefnd Listasafn Reykjavíkur ásamt Hafþóri Yngvasyni, safnstjóra, sem hóf störf við safnið árið 2005.

Safneign Listasafns Reykjavíkur samanstendur af 16.000 listaverkum: 5411 verk eftir Kjarval (þarf af 154 málverk), 2360 verk eftir Ásmund Sveinson (þar af 405 höggmyndir), 3760 verk eftir Erró (þar af 310 málverk) og 136 listaverk í almenningsrými borgarinnar. Einnig á safnið 1074 teikningar eftir Alfreð Flóka. Almenn listaverkaeign safnsins er 3163 verk.

Norðursalur: Af hverju er listaverkum safnað? Opin og fræðandi listasmiðja fyrir fjölskylduna er haldin í norðursal í tengslum við sýninguna.