Hugarleiftur | listasafnreykjavikur.is

Veldu ár

2018 (8)
2017 (20)
2016 (18)
2015 (20)
2014 (19)
2013 (17)
2012 (17)
2011 (23)
2010 (26)
2009 (26)
2008 (24)
2007 (26)
2006 (14)
2005 (16)
2004 (24)
2003 (32)
2002 (18)
2001 (20)
2000 (19)
1999 (13)
1998 (11)
1997 (14)
1996 (17)
1995 (17)
1994 (17)
1993 (22)
1992 (27)
1991 (24)
1990 (24)
1989 (25)
1988 (38)
1987 (38)
1986 (26)
1985 (28)
1984 (34)
1983 (28)
1982 (30)
1981 (26)
1980 (27)
1979 (21)
1978 (23)
1977 (21)
1976 (24)
1975 (19)
1974 (11)
1973 (11)
24.01.2003
16.03.2003

Hugarleiftur

Samvinnuverkefni bandarískrar listakonu og grísks rithöfundar, sem tengist útilistaverkum og daglegu umhverfi í Reykjavik og nágrenni. HUGARLEIFTUR er byggð á skáldsagnapersónu og raunverulegu íslensku menningarumhverfi. Hann er gott dæmi um iðjuleysingja, förusvein, góðborgarann. Hann lifir bæði með sjálfum sér og á almannafæri, á stöðugri ferð um Reykjavíkurborg.

Skáldsagnarpersónan á í kæruleysislegum, stuttum samskiptum við fólk sem hann hittir. Hann fylgist grannt með borginni sinni, er orðinn hluti af borginni sjálfri. Hann er sérstaklega tengdur höfuðborgarsvæði, en um leið alþjóðlegur. Sumum finnst hann dæmigerður fyrir íslenska persónuleikann almennt. Hann varpar ljósi á mannlega tilveru út frá íslensku sjónarhorni.

Með verkefninu HUGARLEIFTUR þykjast höfundar þess engan veginn hafa náð að skilja lífsreynslu Íslendingsins í heild sinni. En sem listafólk og útlendingar sem bjuggu á Íslandi um hríð leitumst við eftir að deila skynjun okkar og skoðunum með öðrum og hefja þannig samskipti við sýningargesti. Vegna þessa vonum við að HUGARLEIFTUR reynist bæði kunnuglegt og ögrandi.

HUGARLEIFTUR samanstendur af þremur þáttum:- ljósmyndum af listaverkum á almannafæri í Reykjavík og nágrenni; þetta eru lóðréttar sýnir á ríkuleg opinber listaverk sem gegna því hlutverki að vera uppörvandi tjáning listrænna hugsana; þau eru óhlutbundnir minnisvarðar menningarinnar á almannafæri, hlutar af landslagi borgarinnar, sögu hennar, ímynd og daglegu lífi.- ljósmyndum af týndum hönskum sem birtast í miklum fjölda á sumrin um allt höfuðborgarsvæðið; þetta eru láréttar myndir af úrgangi á jörðinni, sem um leið eru tákn fyrir einkalíf borgaranna og tilraunir til að hlúa að gróanda og lífi; þetta eru tilviljanakenndir, verðlausir hlutar af undirmeðvitund borgarinnar, sem hefur verið kastað á glæ.- skrifuðum textum um takmörkuð samskipti persónunnar við fólkið á götunni, þar sem hann spyr spurninga og leitar svara, mótast af fólkinu sem hann hittir, meðtekur almenna þekkingu og verður að spegilmynd eigin þjóðar.

Listafólkið sem hefur skapað HUGARLEIFTUR er Diane Neumaier en ljósmyndir hennar byggjast á hugmyndalist og hafa verið sýndar víða um heim. Hún hefur skapað fjölda af myndaseríum, þar á meðal Metropolitan Tits, Museum Studies, og Color Plates. Á þessu ári mun hún halda sýningu undir yfirskriftinni A VOICE SILENCED í Tyler Museum of Art í Ríkisháskóla New York í Oswego og Gyðingasafninu í Frankfurt í Þýskalandi.

Listakonan vinnur mikið í austur-Evrópu og hlaut Fulbright styrk til að vinna í Moskvu 1994. Hún er ritstjóri væntanlegrar safnbókar: BEYOND MEMORY: Photo-related Nonconformist Works of Art from the Soviet Union, Rutgers University Press, New Brunswick, 2004. Hún var einnig ritstjóri Reframings: New American Feminist Photographies, Temple University Press, Philadelphia, 1996, og listtímaritsins Contemporary Russian Art Photography, CAA, New York, 1994.-

Diane Neumaier er prófessor í ljósmyndun við Mason Gross listaskólann við Rutgers University í Bandaríkjunum.Christos Chrissopoulos, fæddist í Aþenu 1968. Hann stundaði nám í hagfræði í Aþenu, sálfræði í Bristol í Englandi, og loks félagsvísindum í London. Hann gaf út sína fyrstu skáldsögu 1996, The Parthenon Bomber. Síðan hefur hann gefið út bækurnar Napoleon Delasto’s Recipes (1997), Shunyata (1999), The Manicurist (2000) og Encircled World (2001).Frá 1999 hefur hann unnið að ýmsum listverkefnum með Diane Neumaier og 2002 kom bók þeirra The Black Dress út í Bandaríkjunum.

Chris er nefndur til í ýmsum sýnisbókum grískra samtímabókmennta og skrifar reglulega um bókmenntir í tímaritið Diavazo. Hann þýðir úr ensku og skrifar einnig bókmenntagagnrýni fyrir dagblöð og tímarit í Aþenu. Hann hefur hlotið fjölda styrkja og verið í vinnustofum rithöfunda í Svíþjóð, Tékklandi, Rússland, Skotlandi, Bandaríkunum og á Íslandi, þar sem hann lauk verkefninu HUGARLEIFTUR ásamt Diane Neumaier árið 2000.- Ný skáldsaga hans Theatre of voices mun koma út í Grikklandi síðar á þessu ári.

Boðskort: 
Sýningarskrá: 
Sýningarskrá: 
Umfjöllun fjölmiðla pdf: 
7875596.pdf (780.38 KB)
7876036.pdf (91.53 KB)
7875136.pdf (91.19 KB)

Smelltu á myndirnar til að skoða fleiri myndir á Instagram og póstaðu þínum eigin með því að merkja þær með #myllumerki sýningarinnar.
Mundu að fylgja Listasafni Reykjavíkur á @reykjavikartmuseum.