Helgi Þorgils Friðjónsson | listasafnreykjavikur.is

Veldu ár

2018 (7)
2017 (20)
2016 (18)
2015 (20)
2014 (19)
2013 (17)
2012 (17)
2011 (23)
2010 (26)
2009 (26)
2008 (24)
2007 (26)
2006 (14)
2005 (16)
2004 (24)
2003 (32)
2002 (18)
2001 (20)
2000 (19)
1999 (13)
1998 (11)
1997 (14)
1996 (17)
1995 (17)
1994 (17)
1993 (22)
1992 (27)
1991 (24)
1990 (24)
1989 (25)
1988 (38)
1987 (38)
1986 (26)
1985 (28)
1984 (34)
1983 (28)
1982 (30)
1981 (26)
1980 (27)
1979 (21)
1978 (23)
1977 (21)
1976 (24)
1975 (19)
1974 (11)
1973 (11)
04.04.2003
11.05.2003

Helgi Þorgils Friðjónsson

Helgi Þorgils Friðjónsson fyllir ótvírætt flokk öflugustu myndlistarmanna á Íslandi við upphaf nýrrar aldar. Hann hefur öðlast mikla og almenna viðurkenningu hér á landi og verið virkur þátttakandi í listalífinu í meira en aldarfjórðung, bæði sem skapandi listamaður, sýningarstjóri og galleríisti.

Helgi Þorgils hefur einnig vakið verðskuldaða athygli erlendis fyrir listsköpun sína og verk hans eru sýnd hjá virtum galleríum á meginlandi Evrópu. Hann hefur haldið fjölda einkasýninga hér á landi og víða erlendis, eins og á Ítalíu, Spáni, Hollandi, Þýskalandi, Sviss og á öllum Norðurlöndunum; verk hans hafa verið á samsýningum um allan heim.

Það eru málverkin sem eru kjarninn í listsköpun Helga Þorgils. Í þeim hefur hann náð að laða fram undraveröld sem heldur áhorfandanum hugföngnum, þar sem hún skarar heima raunveruleika og þjóðsagna, meðvitundar og drauma, náttúru og ímyndunar. Fólkið í myndunum er bæði þessa heims og annars og með einhverjum hætti finnum við að þarna sjáum við ekki aðeins hugsýn listamannsins heldur einnig okkur sjálf, börnin okkar, vini og vandamenn.

Sú listsýn sem birtist í þessum tímalausu verkum á sér ekki aðeins hljómgrunn meðal Íslendinga, heldur hefur hún einnig náð að snerta ýmsa strengi meðal listunnenda annarra þjóða og á sífellt erindi við samtíma sinn. Helgi Þorgils hefur frá upphafi síns ferils sennilega aldrei verið fjölbreyttari í listsköpun sinni en um þessar mundir. Því er það sérstakt tilhlökkunarefni fyrir Listasafn Reykjavíkur að standa að þessari sýningu nú.

Hér verða nær eingöngu sýnd ný málverk og má búast við að sýningin verði einn af merkari viðburðum ársins á myndlistarsviðinu.

Listamaður/-menn: 
Sýningarstjóri/-ar: 
Sigríður Ólafsdóttir
Sýningarskrá: 
Sýningarskrá: 

Smelltu á myndirnar til að skoða fleirri myndir á Instagram og póstaðu þínum eigin með því að merkja þær með #myllumerki sýningarinnar.
Mundu að fylgja Listasafni Reykjavíkur á @reykjavikartmuseum.