D33 Anna Fríða Jónsdóttir: Tónn | listasafnreykjavikur.is

Veldu ár

2018 (11)
2017 (20)
2016 (18)
2015 (20)
2014 (19)
2013 (17)
2012 (17)
2011 (23)
2010 (26)
2009 (26)
2008 (24)
2007 (26)
2006 (14)
2005 (16)
2004 (24)
2003 (32)
2002 (18)
2001 (20)
2000 (19)
1999 (13)
1998 (11)
1997 (14)
1996 (17)
1995 (17)
1994 (17)
1993 (22)
1992 (27)
1991 (24)
1990 (24)
1989 (25)
1988 (38)
1987 (38)
1986 (26)
1985 (28)
1984 (34)
1983 (28)
1982 (30)
1981 (26)
1980 (27)
1979 (21)
1978 (23)
1977 (21)
1976 (24)
1975 (19)
1974 (11)
1973 (11)
28.03.2018
21.05.2018

D33 Anna Fríða Jónsdóttir: Tónn

Veröldin er uppfull af hljóðbylgjum á mismunandi tíðni sem við nemum með skynfærum okkar. Bylgjurnar ferðast frá sendanda til móttakanda, þær eru samskiptaform fyrir hvern þann sem leggur við hlustir. 

Á ferðalögum sínum hefur Anna Fríða leitað eftir samhljómi í umhverfinu, þar sem hún hlustar eftir einstökum tónum. Hún skoðar veröldina í kring um sig eins og úrval af hljóðfærum þar sem ýmislegt er í boði; pákur, píanó, bjöllur og strengir. Hún fangar þessar hljóðbylgjur og býr þeim til form í verkum sínum. Hún gerist hljómsveitastjóri náttúrunnar þegar hún stendur upp á trjábol og stjórnar skógarsinfóníu, býr til tónlist úr heilabylgjum og reynir að hafa áhrif á þær með rödd sinni, smíðar tónverk úr snörpum vindhviðum og undirtónum öldunnar. 

Vangaveltur um tilveruna eru Önnu ofarlega í huga, hvernig við tökumst á við flækjustig hversdagsleikans, gleymum okkur í amstrinu, upplifum kvíða yfir að valda ekki öllum þeim verkefnum sem að okkur streyma. Vatnið verður gárugt og við velkjumst stjórnlaus um í fjöruborðinu. Við heyrum aðeins yfirgnæfandi gusuganginn og skynfæri okkar hætta að greina hvað raunverulega skiptir máli. Í verkinu Tónn speglar Anna Fríða þessar hugleiðingar sínar í náttúrunni og gerir tilraun til að hluta niður heildina. Henni er í mun að gefa hverri gáru á vatninu pláss til að mynda heildstæðan hring sem þenst út og stækkar á jöfnum hraða þar til hann rennur saman við yfirborðið.   

Anna Fríða Jónsdóttir (1984) lærði myndlist við Listaháskóla Íslands árið 2010 og lauk M.A. námi frá Art and Science við The University of Applied Arts í Vín. Hún hefur sýnt verk og gjörninga víðsvegar, tekið þátt í fjölmörgum samsýningum á Íslandi, í Bandarkjunum og í Evrópu. Meðal nýlegra sýningarverkefna má nefna einkasýningu í Laugalækjagallerý (2016), opnunargjörning á sýningunni Ríki: Flóra, fána, fabúla í Listasafni Reykjavíkur (2016) og einnig tók hún þátt í samsýningunni The Silver Lining fyrir hönd Liechtenstein á Feneyjatvíæringnum árið 2015. Anna Fríða býr og starfar í Reykjavík. 

Anna Fríða er 33. listamaðurinn sem sýnir í sýningarröð D-salar. Markmið sýningaraðirnnar er að gefa efnilegum listamönnum tækifæri til að vinna í fyrsta sinn að einkasýningu í opinberu listasafni og beina athygli gesta að nýjum og áhugaverðum hræringum innan listheimsins.

Listamaður/-menn: 
Sýningarstjóri/-ar: 
Klara Þórhallsdóttir
Boðskort: 
Myndir frá opnun: 

Smelltu á myndirnar til að skoða fleiri myndir á Instagram og póstaðu þínum eigin með því að merkja þær með #myllumerki sýningarinnar.
Mundu að fylgja Listasafni Reykjavíkur á @reykjavikartmuseum.

Viðburðir tengdir sýningu

Anna Fríða Jónsdóttir
Hafnarhús
12. apríl 2018 - 20:00