Bragi Ásgeirsson var fjölhæfur myndlistarmaður sem afkastaði miklu á ferli sínum. Hann aflaði sér yfirgripsmikillar menntunar í myndlistinni og nam í mörgum löndum. Myndlist hans er víðfeðm en þar má nefna teikningar, fígúratíf grafík, upphleypt popplistaverk og abstrakt málverk. Enginn einn listamaður fremur en annar hafði afgerandi áhrif á myndlist Braga en þó eru ákveðnir málarar sem Bragi hafði meiri mætur á en öðrum. Þar má nefna listamenn eins og Picasso, Munch, Jón Stefánsson, Modigliani, Matisse og Hammershøi.

Björn Birnir (1932-2017) stundaði nám við Myndlista- og handíðaskóla Íslands 1949-52 og lauk prófi í skreytilist og skiltagerð frá Bergenholtz Dekorations fagskole árið 1955. Jafnframt tók hann próf í fjarvíddarteiknun, flatarteiknun og rúmteiknun Indendors Arkitekt Akademied árið 1965.

Eina fígúru sem er krjúpandi og fyllir út mest allt rými verksins er að sjá hér, en höfuð hennar svífur í lausu lofti fyrir aftan hana (vinstri hlið verksins). Fígúran er máluð á óraunsæjan máta og  er með stórt hol í búk sínum, svipaða sögu er að segja um höfuðið sem er án þekkjanlegra andlitsdrátta en þar er einnig hol sem nemur um einn þriðja af stærð þess. Litirnir eru í jarðtónum, aðallega brúnn, grænn og gulur/hvítur.

Collection