Ásmundur Sveinsson

Erró

Erró vann þessar fyrstu klippimyndir sínar í Jaffa árið 1958, sem sagt teikni-klippimyndirnar úr syrpunni Afhjúpið eðlisfræðingana, tæmið rannsóknarstofurnar (eða Geislavirkni) sem tengdist baráttu gegn kjarnorku sem súrrealistarnir í París hleyptu af stokkunum. Eins og í öðrum klippimyndum í syrpunni er í myndinni Ferskt frá Bandaríkjunum teflt saman tveimur ólíkum hlutum. Annars vegar er blaðaúrklippa á ensku og gegn henni er teflt fígúru sem er teiknuð hratt og sýnd í spenntri stellingu. Svörtu kínableki er yrjað á pappírinn og það skapar tilfinningu fyrir „geislavirku ryki“. En hvaða merkingu er hægt að lesa út úr þessari „geislavirkni“ sem skelfir persónur klippimyndarinnar? Ætti að lesa þetta bókstaflega, þá myndi auglýsingaslagorðið Ferskt frá Bandaríkjunum vekja þá kaldhæðnislegu hugmynd að þaðan kæmi kjarnorkuárás. Eða er þetta líkingamál sem minnir á þá síendurteknu blessun sem neysluþjóðfélag í stöðugum vexti færir okkur. Gagnrýni og húmor einkennir þessa klippimynd eins og svo ótalmörg önnur verk Errós

Collection

Guðmundur Guðmundsson, öðru nafni Erró (f. 1932), er tvímælalaust þekktasti samtímalistamaður Íslendinga. Hann hefur verið þátttakandi í framsæknu listalífi Parísarborgar allt frá árinu 1958, bæði innan súrrealistahreyfingarinnar og einnig sem einn af forvígismönnum popplistarinnar eða evrópska frásagnarmálverksins. Erró byggir verk sín á tilvísunum í myndir annarra sem hann klippir saman og flytur yfir á léreftið. Hann segir frá með myndmáli ofurraunsæis og teiknimynda og frásögn hans er ýmist einföld og kyrrstæð eða flókin og yfirgengileg. Hann klippir og sundurgreinir, límir og endurbyggir flóknar sögur þar sem viðfangsefnin eru ýmist pólitík, erótík, listasagan, ævisögur, skáldsagnapersónur, teiknimyndahetjur og vísindaskáldskapur eða eigin listaverk. 1951 Guðmundur útskrifast úr kennaradeild Myndlista- og handíðaskólans um vorið með hæstu einkunn1952 Fer til náms í Listakademíuna í Osló.1953 Mósaíksýning frá Ravenna sem haldin er í Osló vekur aðdáun Guðmundar.Hann ferðast til Spánar og ákveður að taka upp listamannsnafnið Ferró.1954 Innritast í Listakademíuna í Flórens.1955 Fær inngöngu í mósaíkskóla í Ravenna (Scuola del Mosaico). Tekur þátt í samsýningu ungra erlendra listamanna í Galleria Santa Trinita í Flórens. Í kjölfarið skipuleggur galleríið fyrstu einkasýningu Ferrós. Kynnist hinni ísraelsku Myriam Bat-Yosef. 

Collection

Work