Hér kallast á heimar tónlistar og efnis; það sem heyrist og sést. Verkið samanstendur af myndbandi með píanótónlist ásamt ljósmyndum. Myndefnið eru jafnmargir ópalsteinar og nóturnar á nótnaborði píanós, eða alls 88 (samanber heiti verksins). Hver nóta og hver steinn tengjast í mynstruðum samhljómi. 

Ljósmyndasería þessi er hluti af rannsóknum Dodda Maggýjar á tengslum tónlistar og myndlistar. Myndefnið eru jafnmargir ópalsteinar og nóturnar á nótnaborði píanós, eða alls 88 (samanber heiti verksins). Hver nóta og hver steinn tengjast í mynstruðum samhljómi. 

Dodda Maggý vinnur í verkum sínum ýmist með hljóð eða mynd, enda hefur hún í námi sínu ástundað bæði myndlist og tónlist. Hér tengir hún hvort tveggja saman í innsetningu með því að margfalda eigin söngrödd, sem magnast og dvín í samspili við mynd af listamanninum sem birtist og hverfur. Í myrkvuðu rýminu skynjar sýningargesturinn að röddin sé aðskilin frá hinum eiginlega flytjanda og finnst hún berast hvaðanæva þótt hún sé alltaf úr sama barka. Hljóðið virðist stjórna myndinni frekar en öfugt, að hljóð sé sjálfsagður fylgifiskur myndar.

Collection

Work