Ásmundur Sveinsson

Erró

Kjarval

Barbara Árnason var ákaflega fjölhæf listakona, listmálari, vatnslitamálari, afburða teiknari, myndskreytir og textíllistamaður, og er þá ekki allt nefnt. Sérstaklega þótti hún næmur túlkandi barnslegrar vitundar, eins og sést í portrettmyndum hennar af börnum, myndskreytingum í barnabókum og í veggmyndunum sem hún gerði fyrir Melaskóla í Reykjavík á árunum 1952–53.

Barbara Árnason var ákaflega fjölhæf listakona, listmálari, vatnslitamálari, afburða teiknari, myndskreytir og textíllistamaður, svo eitthvað sé nefnt. Þetta verk var í Vesturbæjarlaug en var tekið niður árið 1995.

Barbara Árnason var ákaflega fjölhæf listakona, listmálari, vatnslitamálari, afburða teiknari, myndskreytir og textíllistamaður, og er þá ekki allt nefnt. Sérstaklega þótti hún næmur túlkandi barnslegrar vitundar, eins og sést í portrettmyndum hennar af börnum, myndskreytingum í barnabókum og síðast en ekki síst, í veggmyndunum sem hún gerði fyrir Melaskóla í Reykjavík á árunum 1952–53. 

Collection

Barbara og Ursula Moray Williams, eineggja tvíburar fæddust 19. apríl árið 1911 í Petersfield nálægt Portsmouth á Englandi. Foreldrar þeirra voru báðir kennarar, þau Moray Williams kennari í latínu og grísku og Mabel L. fædd Unwin.Barbara og Ursula gengu í menntaskóla í Annecy í Haute Savoie í Frakklandi. Á árunum 1929-1932 var Barbara við undirbúningsnám í listaskólanum í Winchester en fór að því loknu í The Royal College of Art í London, fyrst í hönnunardeild en síðan í grafíkdeild. Námi þar lauk hún árið 1935. Barbara ferðaðist til Íslands árið 1936 og dvaldi þar í 5 vikur. Í þeirri ferð kynntist hún Magnúsi Ársæli Árnasyni  sem hún giftist í ársbyrjun 1937. Magnús og Barbara fluttu til Íslands vorið 1937 og keyptu húsið að Lækjarbakka við Borgartún og bjuggu þar í 22 ár. Árið 1959 keyptu þau hús að Kársnesbraut 86 í Kópavogi og léttu byggja við það vinnustofu sem Hannes Davíðsson arkitekt teiknaði. Húsið nefndu þau Unnarbakka.Barbara og Magnús ferðuðust mikið, bæði innanlands og utan. Gjarnan voru þau hluta úr sumri út á landi eða erlendis við listsköpun. Þau ferðuðust m.a. til Englands, Mexíkó, Frakklands, Sviss og Sri Lanka. Barbara vann mikið í grafík, einkum tréristu og tréstungu, en teiknaði einnig og málaði með vatnslitum gerði textílverk og veggskreytingar. Verk hennar bera vott um vönduð og fínleg vinnubrögð. Myndefnið er gjarnan úr náttúrinni, dýr, börn og annað fólk. Barbara vakti snemma athygli fyrir bókaskreytingar sínar og var mjög afkastamikil, m.a. myndskreytti hún Passíusálma Hallgríms Péturssonar sem komu út í viðhafnarútgáfu Menningarsjóðs árið 1961.Árið 1937 sýndi Barbara ásamt Magnúsi og vöktu grafíkmyndirnar hennar mikla athygli en grafík var svo til óþekkt listgrein hérlendis þá. Verk Barböru eru afar fjölbreytt og var hún óhrædd að reyna nýjar leiðir.Barbara Moray Williams Árnason andaðist 31. desember 1975.Árið 1970 stofnuðu Barbara og Magnús Árnason sjóð til að styrkja íslenska listamenn til utanfarar. Úr honum er úthlutað árlega á afmælisdegi Barböru 19. apríl. Dregið er úr nöfnum umsækjenda.Minningarsjóður Barböru og Magnúsar Á. Árnasonar færði árið 1983 Kópavogsbæ listaverkagjöf með um 300 listaverkum eftir þau hjón.(tekið af síðu Upplýsingamiðstöðvar myndlistar www.umm.is)

Collection

Work