Ásmundur Sveinsson

Erró

Bragi Ásgeirsson var fjölhæfur myndlistarmaður sem afkastaði miklu á ferli sínum. Hann aflaði sér yfirgripsmikillar menntunar í myndlistinni og nam í mörgum löndum. Myndlist hans er víðfeðm en þar má nefna teikningar, fígúratíf grafík, upphleypt popplistaverk og abstrakt málverk. Enginn einn listamaður fremur en annar hafði afgerandi áhrif á myndlist Braga en þó eru ákveðnir málarar sem Bragi hafði meiri mætur á en öðrum. Þar má nefna listamenn eins og Picasso, Munch, Jón Stefánsson, Modigliani, Matisse og Hammershøi.

Collection

Bragi Ásgeirsson er tvímælalaust einn af fjölhæfustu listamönnum íslendinga. Á tæplega 50 ára ferli hefur hann komið víða við. Hann hefur unnið í grafik, vatnslit, teikningu , þrívíðum verkum og hefðbundmu málverki. Bragi var um árabil leiðandi í grafiklist, bæði sem sjálfstæður listamaður og sem aðalkennari í faginu, verk hanns eru kröftug og tilfinningarík. Olímálverk Braga sem hann málar yfirleitt á ( hardboard) hafa alla tíð einkennst af djarfri litameðferð, fáguðum línum og sterkri myndbyggingu. Hann var á 7. og 8. áratugnum frumkvöðull í notkun framandi hluta (objects) í málverkum sínum, en á síðustu árum hafa málverk hans orðið einfaldari og um sumt kyrrari en þó um leið sterk og grípandi. Bragi ásgeirsson hefur sem einn af aðalkennurum Myndlista og handíðaskóla íslands haft mikil áhrif á flesta yngri myndlistamenn íslendinga og með krítik sinni og greinum um myndlist átt stóran þátt í að kenna íslendingum að meta nútímamyndlist. Tekið af heimasíðu Gallerí Borgar, www.shopping.isBRAGI ÁSGEIRSSON1931F. í Reykjavík. Nám við Handíðaskólann 1947-50, Det Kgl. Akademi for de Skønne Kunster í Kaupmannahöfn 1950-52, Stetens Kunstakademi og Statens Handverks- og Kunstindustriskole í Osló 1952-53 og Akademie der Bildenden Künste í München 1958-60.Tekið af heimasíðu LÍ www.listasafn.is Bragi er fæddur árið 1931. Hann stundaði nám við Myndlista-og handíðaskóla Íslands á árunum 1947-1950 og við Listaháskólann í Kaupmannahöfn á árunum 1950-1952 og aftur á árunum 1955-1956. Veturinn 1952-1953 nam hann við LIstaháskólann í Osló og nam við Listaháskólann í Munchen á árunum 1958-1960. 1953-1954 dvaldi hann í Róma og Flórens. Ennfremur hefur hann farið í námsferðir um flest lönd Evrópur svo og til Ameríku, Japan, Kína og Kanada.Bragi hélt sína fyrstu einkasýningu í Listamannaskálanum við Kirkjustræti vorið 1955. Síðan þá hefur hann haldið fjölmargar einkasýningar víðs vegar um landið. Hann hefur hlotið dvalar- og námsstyrki frá öllum Norðurlöndunum m.a. Edward Munch styrkinn 1977. Bragi hefur ennfremur hlotið starfsstyrk íslenska ríkisins og verið Borgarlistamaður Reykjavíkur (1985). Hann hefur tekið þátt í samsýningum á öllum Norðurlöndunum, í Kraká, New York, Buenos Aires, Minnesota, Moskvu, Tokyo og Peking. Einnig tók hann þátt í farandsýningu sem fór til 10 borga í Þýskalandi og 10 fylkja í Bandaríkjunum.Verk Braga eru í eigu Listasafns Íslands, Listasafns Reykjavíkur, Listasafns ASÍ, Listasafns Háskólans, Listasafns Kópavogs -Gerðarsafns-, Listasafns Selfoss og Listasafns Siglufjarðar. Verk hans eru einnig í eigu fjölmargra opinberra stofnanna t.a.m. Búnaðarbankans, Íslandsbanka, Alþingis, Fjármálaráðuneytisins og Flugleiða. Ennfremur eru verk hans í eigu Norður þýska listasafnsins í Rostock sem og í einkasöfnum um öll Norðurlönd, í Bandaríkjunum Kanada, Þýskalandi, Indónesíu, Japan og Taiwan.Bragi hefur verið listrýnir Morgunblaðsins frá árinu 1966. Hann hefur einnig ritað fjölmargar greinar um myndlist í íslensk og erlend tímarit. Hann var kennari við MHÍ á árunum 1956-1996 með örfáum hléum.Bragi Ásgeirsson er tvímælalaust einn af fjölhæfustu listamönnum íslendinga. Á tæplega 50 ára ferli hefur hann komið víða við. Hann hefur unnið í grafik, vatnslit, teikningu , þrívíðum verkum og hefðbundmu málverki. Bragi var um árabil leiðandi í grafiklist, bæði sem sjálfstæður listamaður og sem aðalkennari í faginu, verk hanns eru kröftug og tilfinningarík. Olímálverk Braga sem hann málar yfirleitt á ( hardboard) hafa alla tíð einkennst af djarfri litameðferð, fáguðum línum og sterkri myndbyggingu. Hann var á 7. og 8. áratugnum frumkvöðull í notkun framandi hluta (objects) í málverkum sínum, en á síðustu árum hafa málverk hans orðið einfaldari og um sumt kyrrari en þó um leið sterk og grípandi. Bragi ásgeirsson hefur sem einn af aðalkennurum Myndlista og handíðaskóla íslands haft mikil áhrif á flesta yngri myndlistamenn íslendinga og með krítik sinni og greinum um myndlist átt stóran þátt í að kenna íslendingum að meta nútímamyndlist. Tekið af heimasíðu Gallerí Borgar, www.shopping.is 

Collection

Work