Reykjavík Art Walk App

Verkið er staðsett við Dómkirkjuna.Verkið er í eigu Dómkirkjunnar.Hallgrímsharpan eftir Júlíus Schou steinsmið var afhjúpuð norðan við Dómkirkjuna í Reykjavík árið 1885. Harpan sjálf er ekki ýkja há en stendur efst á tæplega fimm metra háum ferstrendum bautasteini. Verkið er tilvísun í Hallgrím Pétursson (1614-1674) prest og mesta sálmaskáld Íslendinga. Í dag er Hallgrímur Pétursson þekktastur fyrir Passíusálma sína sem voru fyrst gefnir út á prenti árið 1666.

Collection

Julius Andreas Schau var fæddur á Borgundarhólmi í Danmörku og kom til Íslands árið 1880 til að starfa við byggingu Alþingishússins. Hann ílengdist hér og kenndi mörgum ungum mönnum steinsmíði og lagði að heita má grunninn að stétt íslenskra steinsmiða. Legsteina Shcaus og lærlinga hans má sjá víða í kirkjugörðum hérlendis en flesta þeirra er að finna í Hólavallakirkjugarði.Julius Shcau starfaði að iðn sinni hér á landi í fulla fjóra áratugi. Hann kvæntist íslenskri konu og fluttist fjölskylda hans til Danmerkur árið 1920. Þar lést hann árið 1938.

Collection

Work