Collection

Rafn lauk gagnfræðaprófi frá Flensborg, stundaði nám við Iðnskólann í Hafnarfirði og í Reykjavík og lauk sveinsprófi í offsetprentun 1953. Föstudaginn 27. maí, 2011 - Minningargreinar Rafn Hafnfjörð Gunnlaugsson Rafn Hafnfjörð Gunnlaugsson fæddist í Sveinsbæ í Hafnarfirði 21. desember 1928. Hann lést á Landspítalanum í Fossvogi 21. maí 2011. Foreldrar hans voru Þuríður Sveinsdóttir, fædd í Hafnarfirði 8.9. 1893, d. 18.4. 1937 og Gunnlaugur F.Rafn Hafnfjörð Gunnlaugsson fæddist í Sveinsbæ í Hafnarfirði 21. desember 1928. Hann lést á Landspítalanum í Fossvogi 21. maí 2011. Foreldrar hans voru Þuríður Sveinsdóttir, fædd í Hafnarfirði 8.9. 1893, d. 18.4. 1937 og Gunnlaugur F. Sigurðsson, fæddur í Húnavatnssýslu 9. apríl 1897, d. 6. júlí 1986. Rafn átti einn bróður sammæðra, Jón Norðenskjöld Gústafsson, f. í Hafnarfirði 9. september 1916, d. 2.12. 1941. Móðir Rafns lést þegar hann var aðeins átta ára gamall og var hann tekinn í fóstur af börnum móðursystur sinnar þeim Þóru, Sveini Viggó og Súsönnu Bachmann sem bjuggu með föður sínum Stefáni Bachmann og var hann þá aftur kominn á sinn fæðingarstað í Sveinsbæ. Rafn lauk gagnfræðaprófi frá Flensborg, stundaði nám við Iðnskólann í Hafnarfirði og í Reykjavík og lauk sveinsprófi í offsetprentun 1953. Rafn kvæntist Kristínu B. Jóhannsdóttur 30.12. 1950. Hún er fædd á Patreksfirði 18.9. 1930. Foreldrar hennar voru Jóhann Pétursson og Elín Bjarnadóttir. Rafn og Kristín eignuðust 7 börn. Þau eru: 1)Hjördís, f. 1950 gift Hirti Zakaríassyni, f. 1949, börn þeirra: Hildur Bára, Ester og Kristín. 2) Birna, f. 1954, gift Gunnari Erni Kristjánssyni, f. 1955, börn þeirra: Kristján Rafn, Auðunn Örn, Andri Björn og Tinna Björk. 3) Hrafnhildur, f. 1954, gift Kristjáni Gunnarssyni, f. 1955, börn þeirra: Pétur Már og Elín Ýr. 4) Elín Þóra, f. 1955, var gift Steingrími Guðmundssyni, f. 1958, börn þeirra: Steinn og Una Ösp. 5) Þyri, f. 1958, gift Elvari Erni Unnsteinssyni, f. 1958, börn þeirra: Unnsteinn Örn, Edda María og Hugrún. 6) Jóhann, f. 1961 d. 1965. 7) Jóhann, f. 1965, kvæntur Lilju Kúld 1965, barn Lilju og fósturdóttir Jóhanns: Kristína. Rafn stofnaði ásamt öðrum prentsmiðjuna Litbrá h/f 1954 og rak hana til 2005. Rafn var þekktur ljósmyndari og hafa myndir eftir hann birst víða. Hann tók þátt í fjölda ljósmyndasýninga. Helstu áhugamál hans voru ferðalög og stangveiði. Rafn var félagi í nokkrum stangveiðifélögum. Hann gekk í SVFR 1951 og var félagi nr. 9. Hann stofnaði ásamt nokkrum félögum sínum Veiðiklúbbinn Streng, einnig var einn af stofnendum Stakkavíkur og félagi í Ármönnum. Hann var í stjórn og formaður Landssambands stangaveiðifélaga í nokkur ár. 

Collection

Work