Haraldur Jónsson

Haraldur leitast iðulega við að myndgera, efla og móta það sem venjulega er hulið, hversdagslegt eða án víddar. Hvert nýtt verk krefst nýrrar nálgunar á efni og miðil. Í Miði notar listamaðurinn litað plexígler, trétappa og farða, grípur augnablik og dregur athygli okkar að efniviðnum. Þar kann að leynast mynd af einhverju eins og snertingu, jafnvægi og hinu ósagða.

Mið

U M M Y N D A N I R var sýnt á um 500 stafrænum flötum Billboard um allt höfuðborgarsvæðið dagana 1.–3. janúar 2024.  Verkefnið nefnist Auglýsingahlé og er unnið í samstarfi Billboard, Y gallery og Listasafns Reykjavíkur. 

Verkið hverfist um ummyndanir fyrirbæra sem líða síkvikar um loftið í tímaleysi áramótanna.  Útlínur, afsteypur og endurvarp kunnuglegra hluta úr neysluheimum blandast og skarast við óræð tilbrigði tíðarandans. Hver syrpa framkallar róf möguleika í millibilsástandi þegar heimurinn er tímabundið opinn í báða enda.  

U M M Y N D A N I R er stefnumót sem örva skynjun vegfarenda, bjóða í ferðalag, kveikja hughrif og tengingar á leið hvers og eins út úr fortíðinni og inn í ókunna framtíð.  Það er skuggsjá sem birtir samslátt og núning mynda í fjölbreyttu svæðanuddi við sjóntaugarnar. Það er ofið úr brotakenndum skilaboðum, hnitum, hugljómunum og óvæntum tilboðum úr undirmeðvitundinni.

U M M Y N D A N I R

Tunga

Blindnur

Galaxy 06

Tungumál verður annað og meira en samskiptaform í verkum Haraldar. Einkum hefur hann áhuga á máltöku barna sem og því þegar fullorðnir tileinka sér nýtt tungumál. Á þessari vegferð inn í veröld tungumálsins sér Haraldur það sem skúlptúr eða rými. Hann tók sem dæmi myndir af nemendum af erlendum uppruna að læra íslensku. Í verkinu Íslenskt málver (1996) má sjá fólk í skólastofu með heyrnartól á eyrum þar sem kennslan gengur út á að endurtaka þau orð sem lesin eru upp.

Íslenskt málver

Tungumál verður annað og meira en samskiptaform í verkum Haraldar. Einkum hefur hann áhuga á máltöku barna sem og því þegar fullorðnir tileinka sér nýtt tungumál. Á þessari vegferð inn í veröld tungumálsins sér Haraldur það sem skúlptúr eða rými. Verkið Fontar er úr tjörutexi og myndar í þrívítt form hina séríslensku bókstafi, Þ og Ð. Orðaleikur heitisins leynir sér ekki, skúlptúrarnir byggjast á stafagerð og minna um leið á brunna.

Haraldur Jónsson

Mið

More works by Haraldur Jónsson