Guðjón Ketilsson

Leikmyndir

Á hvítum vegg hangir fjöldi fundinna smáhluta í röðum. Verkið er samsett úr hlutum sem listamaðuirnn hefur fundið á göngu sinni um borgina. 

Úr sýningarbæklingi sýningarinnar Jæja á Kjarvalsstöðum í október 2022: 
Hugmyndirnar koma mjög oft á göngu. Ég reyni mjög meðvitað að vera með öll skilningarvit opin í göngutúrum og horfa á umhverfið ferskum augum, horfa eftir formi og samhengi hluta. Mér finnst mikilvægt að vera forvitinn. Ég geng ekki endilega með skissubók á mér en ég skrái mjög oft hjá mér einhverjar pælingar þegar ég kem aftur á vinnustofuna. Svo safna ég mjög oft einhverjum vasahlutum sem gjarnan verða grunnur að einhverjum verkum eða passa inn í verk. Ein hugmynd sprettur líka af annarri, og það myndast ferli, svo hugmynd sem kviknar í gönguferð er oft framhald af ferli eða breyting á ferli sem þegar er hafið og vindur upp á sig. Um leið og ég er að segja þér frá þessu þá átta ég mig á að sennilega er sköpunarferlið virkast hjá mér þegar líkaminn er á hreyfingu. (Guðjón Ketilsson í samtali við Gyrði Elíasson í sýningarskrá.)

Áleiðis

Ljóð

Verkið er staðsett á Klambratúni.

Með verkinu Viðsnúningur hefur Guðjón Ketilsson skapað form sem vísar til húss og snýr þakið upp öðrum megin en niður hinum megin. Myndverkið vekur upp hugrenningar um fyrirbærið camera obscura, frum-myndavélina, sem varpar fyrirmynd á hvolfi upp á vegg inni í myrkvuðum kassa. 

Verkið á í sérstöku samtali við umhverfið á Klambratúni. Það er vel fallið til leikja því að börn geta skriðið í gegnum það og hreiðrað um sig í því. Lítil göt í efri hluta verksins opna þá sýn upp í himininn að degi til, en í myrkri stafar litlum ljóstýrum út um götin frá lýsingu í botni verksins.

Verkefnið var unnið í samráði við íbúa í Hlíðunum og hverfisráð en það varð fyrir valinu í samráðsverkefninu Betra hverfi. Samráðsverkefninu er ætlað að bæta umhverfi og auka möguleika til útivistar, samveru, leikja og afþreyingar í hverfum borgarinnar.

Viðsnúningur

Teikningar Guðjóns sýna búslóð sem raðað er haganlega saman til flutnings. Listamaðurinn beinir sjónum að sköpunargleði daglegs lífs, þegar hugvit, rýmiskennd og einhvers konar fagurfræði fara saman. Guðjón tekur gjarnan fyrir byggingarrými, verkfæri og húsgögn og veltir fyrir sér hlutverki þeirra og hliðstæðum við mannslíkamann. Hann vinnur ýmist í teikningar eða skúlptúr.

Hlutverk

Verkið er staðsett við strandlengjuna í Víkurhverfi.

Samkvæmt listamanninum er verkið hugsað sem sviðsetning á hugarástandi. Sunnudagurinn er kyrrstæður svo Guðjón vildi skapa verk sem vísaði í kyrrt ástand eða værð. Sunnudagurinn markar endi vikunnar, en jafnframt upphaf nýrrar.

Verkið er úr cor-ten stáli og var hluti af sýningunni Strandlengjan sem Myndhöggvarafélagið í Reykjavík stóð fyrir en það verkefni hófst á tuttugu ára afmæli félagsins árið 1998 og náði svo hámarki á Listahátíð árið 2000.

Guðjón Ketilsson

Leik­myndir

More works by Guðjón Ketilsson

Leikmyndir