Ragnar Kjartansson

Hugvekja

Verkið er kvikmynd sýnd á fjórum skjáum og unnin upp úr skáldsögu Halldórs Kiljans Laxness, Heimsljós (1937–40).  Skáldsaga Laxness skiptist í fjórar bækur og á því byggist uppsetning myndbandsinnsetningarinnar.  Við gerð verksins stýrði Ragnar hópi vina og ættingja úr reykvísku listalífi í mánaðarlöngum gjörningi í Thyssen-Bornemiza-samtímalistasafninu í Vín. Gjörningurinn bar heitið Höll sumarlandsins og þar gátu sýningargestir bæði fylgst með framrás kvikmyndarinnar og vinnslunni við hana baksviðs og utansviðs. Kvikmyndaverkið býr yfir sama flökti á milli sviða þar sem við sjáum ekki einvörðungu tökuna sjálfa heldur jafnframt augnablikið þar á undan og eftir. Allar tökurnar á rúmlega áttatíu atriðum myndarinnar eru sýndar óklipptar, hvernig svo sem til tókst eða hve oft þurfti að endurtaka þær. Niðurstaðan verður nokkurs konar kúbísk kvikmynd; viðstöðulaus og brotakennd heild sem snertir á epískum skala mannlegra tilfinninga og örlaga.

Heimsljós - líf og dauði listamanns

The end - Venice - Performance sketches

Í þessu verki kemur Ragnar fram sem forsprakki djass-stórsveitar í sviðsettum gamaldags danssal. Listamaðurinn syngur ítrekað „Sorgin sigrar hamingjuna“, einu orð verksins, hundruð sinnum, aftur og aftur. Án þess að víkja frá einfaldleika frasans sem sunginn er, lagar hann sig að hinni hægu uppbyggingu tilbrigða sem hljómsveitin fer í gegnum í bakgrunni, sem og tímanum í síendurtekinni möntrunni. Með leikrænum og dramatískum hætti virðist verkið bjóða tilfinningalega lausn undan trúarlegri þröng og veita nokkurs konar huggun í angurværð hversdagsins.

Verkið er staðsett á horni Smáragötu og Hringbrautar.

Höggmyndin Stóð sýnir hóp fjögurra hesta á þeysispretti í austurátt þar sem hún stendur við Gömlu Hringbrautina við horn Smáragötu. Ólgandi krafturinn í hrossunum snertir strengi hestamannsins sem leið hefur átt hjá og vísar um leið til þarfasta þjónsins sem farartækis við akveg sem til skamms tíma var ein fjölfarnasta gata borgarinnar. Verkið er rómantískt í formgerð og það sem sýnist vera fjögur hross gætu allt eins verið sami hesturinn á mismunandi stigum óbeislaðs þeysispretts.

Stóð

Verkið er staðsett í Grasagarðinum í Laugardal.

Verkið er lágmynd í steinsteypu til minningar um Eirík Hjartarson sem var mikill áhugamaður um skógrækt. Verkið sem hoggið er í stein sýnir Eirík að störfum við að planta tré. Myndin er gjöf barna Eiríks, en hann hóf árið 1929 trjárækt á landi sínu sem hann nefndi Laugardal og svæðið allt dregur nú nafn af. Eiríkur stofnaði ásamt konu sinni Garðyrkjustöðina Laugardal sem var ein af fyrstu garðplöntustöðvum í Reykjavík og var seld til borgarinnar árið 1955.

Ragnar Kjart­ansson

Hugvekja

More works by Ragnar Kjartansson

Ragnar Kjartansson