Ragna Róbertsdóttir

Allt umhverfis Heklu er hraun og vikur í ómældu magni. Ragna Róbertsdóttir hefur sérhæft sig í því að nota þennan náttúrulega efnivið í listsköpun sinni. Hún safnar efninu, þvær það, 
sigtar, flokkar og nýtir með ýmsum hætti beint í verkin. Hér myndar hún sjóndeildarhring með gosefninu, eins konar landslag í sjálfu sér.

Hekla 117 kg 2004 / Hekla 9,495 kg

Skúlptúrar Rögnu frá níunda áratugnum byggjast á ýmsum tilsniðnum náttúruefnum sem hún raðar upp í sýningarsölum. Þar má nefna hraungrýti, torf og hör. Verkin endurspegla mörk hins náttúrulega og manngerða og skírskota gjarnan til sögu húsagerðar eða arkítektúrs.

Síðustu áratugi hefur Ragna einkum fengist við innsetningar þar sem hún vinnur beint á veggi sýningarsala. Sem fyrr notast hún við náttúruleg hráefni, svo sem hraun, vikur, sand, leir, salt og skeljasand. Verk hennar verða til í samspili ófyrirséðra ferla eða hendinga innan afmarkaðra ramma sem hún ákvarðar í takt við umhverfið.

Ragna Róberts­dóttir

Hekla 117 kg 2004 / Hekla 9,495 kg

More works by Ragna Róbertsdóttir

Ragna Róbertsdóttir