Þórdís Aðal­steins­dóttir

Myndheimur Þórdísar gefur innsýn í frásagnir, atvik og augnablik sem vísa í ýmsar áttir. Ef til vill eru þetta minningarbrot listamannsins, skírskotanir til kvikmynda og bókmennta eða sögur sem hún hefur heyrt eða skáldað sjálf. Verkin eru hlaðin mótsagnarkenndum eiginleikum. Þar er að finna húmor, léttleika, vanlíðan, ofbeldi, erótík, kaldhæðni og leiðindi, allt í bland. Handbragð Þórdísar er sérstakt og einkennandi, fígúrur hennar og rými eru einföld og flöt en á móti notar hún mynstur og fínvinnu í óvæntum smáatriðum.