Samtal um líf og list Steinu

Hrafnhildur er margverðlaunuð fyrir kvikmyndagerð og hefur einkum vakið athygli fyrir heimildamyndir um íslenskt samfélag og menningu.

Með kvikmyndinni Vasulka áhrifin (2019) varpar hún ljósi á ævi og listsköpun Steinu og Woody Vasulka sem frumkvöðla í vídeólist.

Myndin hefur hlotið alþjóðlega viðurkenningu og var m.a. valin heimildamynd ársins á Edduverðlaununum.

Í gegnum náið samstarf við Steinu tekst Hrafnhildi að draga fram áhrif Vasulka-hjónanna á þróun samtímalistar og stafrænnar miðlunar, bæði á Íslandi og á heimsvísu.

Aðgöngumiði á safnið gildir. Frítt fyrir Árskorts- og Menningarkorthafa, frítt fyrir yngri en 18 ára.

Gestir eru beðnir að skrá sig á viðburðinn.