ERROR:­g­ender | Reykjavík Dance Festival

Við bjóðum ykkur velkomin inn í rýmið okkar sem er öruggur og áþreifanlegur staður þar sem þið getið upplifað list, rætt um það sem þið sjáið, eða bara dvalið um stund og notið stemningarinnar. ERROR:gender er bæði sýning og rými þar sem má deila upplifunum, spyrja spurninga og velta saman vöngum.

Í ERROR:gender er boðið upp á viðburði af ýmsum toga: tónleika, gjörninga, leshringi, dragsýningar, vinnustofur, vídeóverk og hljóðverk – en þið getið líka bara komið inn og verið í rýminu. ERROR:gender reynir ekki að svara spurningum heldur opna dyr að nýjum hugmyndum og sjónarhornum. Hér er gáskinn við völd og öll boðin velkomin, óháð aldri. Við bjóðum ykkur að koma eins og þið eruð og upplifa list á eigin forsendum.

Frítt er á viðburði Reykjavík Dance Festival í Hafnarhúsi.

Nánari dagskrá viðburða er að finna á heimasíðu Reykjavík Dance Festival: https://www.reykjavikdancefestival.com/error-gender-hub