5. september 2015 - 15:00

Sýningin MIX opnar í D-sal Hafnarhússins

MIX, 2015.
Staður viðburðar: 
Hafnarhús

Sýningin MIX verður opnuð í D-sal Hafnarhúss Listasafns Reykjavíkur, laugardaginn 5. september kl. 15. Þetta er sjötta og síðasta sýningin í sumarsýningarröð Kunstschlager í D-sal Hafnarhússins. Að þessu sinni eru það listamennirnir Þórdís Erla Zoëga og Þór Sigurþórsson sem tefla saman verkum sínum.

Um sýninguna MIX:
Það er undantekningarlaust ástæða fyrir því að efast. 

Er það sem þú sérð það sama og hinn sér? 

Hvar byrjar eitt og hvar endar annað, á hvaða tímapunkti á samruninn sér stað og hvar lýkur honum?
Er það sem þú sérð það sem þig langar til að sjá? 

Í skörun vitundar og skynjunar – þegar tvennt, þrennt, fimmfalt verður að hinu eina sanna MIX-. 

Engin lymskubrögð – aðeins þú og allir hinir.

Hvað er fyrir aftan, hvað er undir og hvar er miðjan – munt þú treysta því sem þú sérð? 

Sýning: 
Frítt fyrir handhafa Árskorts Listasafns Reykjavíkur og Menningarkorts Reykjavíkur