29. september 2022 - 10:00 til 22:00

Sýningarlok í Hafnarhúsi – Erró: Sprengikraftur mynda

Sýningarlok í Hafnarhúsi – Erró: Sprengikraftur mynda
Staður viðburðar: 
Hafnarhús

Nú eru síðustu forvöð að sjá sýninguna Erró: Sprengikraftur mynda í Hafnarhúsi sem lýkur fimmtudaginn 29. september. Síðasti fimmtudagur mánaðarins er Fimmtudagurinn langi! Opið frá kl. 10-22.00 í Hafnarhúsi.

Hádegisleiðsögn verður um sýninguna fimmtudag 29. september kl. 12.15.

Erró er einn fárra íslenskra listamanna sem náð hafa fótfestu í heimi alþjóðlegrar myndlistar. Sprengikraftur mynda er heildstæð úttekt á hinum litríka ferli listamannsins sem hefur fengist við ýmsa miðla myndlistarinnar. Þar má finna allt frá gjörningum, vídeólist, grafík, fjölfeldi og klippimyndum, til stórra verka í almannarými og málverka á öllum skala, sem hafa unnið honum verðugan sess í evrópskri listasögu. Hér er á ferðinni umfangsmesta sýning sem sett hefur verið upp á verkum listamannsins hérlendis.

Sýningin Sprengikraftur mynda endurspeglar glæsilegan feril Errós og byggir að mestu á listaverkagjöf listamannsins til Reykjavíkurborgar. Þegar sýningunni lýkur í Hafnarhúsi fer hún á ferð um Evrópu og verður opnuð í ARos safninu í Árósum í apríl 2023.  

Aðgöngumiði á safnið gildir. Frítt fyrir handhafa Árskorts Listasafns Reykjavíkur og Menningarkorts Reykjavíkur.