8. desember 2022 - 20:00

Sóley eftir Rósku og Manrico Pavalettoni

Róska
Staður viðburðar: 
Hafnarhús

Nú gefst einstakt tækifæri til að sjá Sóleyju, kvikmynd  eftir listakonuna Rósku og Manrico Pavalettoni, sem verður sýnd í Fjölnotasal fimmtudaginn 8. desember kl. 20.00.

Sóley gerist í bændasamfélagi Íslands á 18. öld og  fjallar um ungan mann sem leitar að hestinum sínum sem strauk. Við leitina kynnist hann álfkonunni Sóley, holdgerving frelsis, náttúru og jafnréttis. Sýning á Sóleyju kemur í kjölfarið á vel heppnaðri Haustráðstefnu, KvikMyndlist á mörkum kvikmynda og myndlistar sem fram fór í Listasafni Reykjavíkur í lok nóvember en líka í aðdraganda Evrópsku kvikmyndaverðlaunanna sem afhent verða í Reykjavík þann 10. desember.

Kvikmyndin Sóley var sýnd s.l. vor í Bíó Paradís eftir að kvikmyndagerðarmennirnir og hjónin Þorbjörg Jónsdóttir og Lee Lorenzo Lynch unnu hörðum höndum seinustu ár við að koma eina eintakinu sem vitað er um í heiminum í sýningarhæft ástand.

Skráning HÉR

Myndin er sýnd með enskum texta

Aðgöngumiði á safnið gildir. Frítt fyrir handhafa Árskorts Listasafns Reykjavíkur og Menningarkorts Reykjavíkur.