Myndlistin okkar á RÚV

Listasafn Reykjavíkur fagnar 50 ára afmæli í ár. Af því tilefni var gerð sjónvarpsþáttasería um myndlist í samstarfið við RÚV, þar sem fólk á öllum aldri segir frá uppáhaldsverkum sínum í eigu safnsins. Þættirnir eru stuttir og laggóðir þar sem hver viðmælandi ljær sínu listaverki úr safneigninni rödd og segir frá því hvaða áhrif verkið hefur haft á viðkomandi. 

Fyrsti þátturinn af tuttugu fer í loftið miðvikudagskvöldið 23. ágúst. Fylgist með og sjáið hvaða  einstaklingar stíga fram í dagsljósið með sín eftirlætisverk.