20. júní 2016 - 9:00
20. júní 2016 - 13:00
9. júní 2016 - 9:00
9. júní 2016 - 13:00

Myndlistarnámskeið fyrir börn í sumar

Ljósmynd: Hildur Inga Björnsdóttir
Staður viðburðar: 
Kjarvalsstaðir

Í sumar býður Listasafn Reykjavíkur uppá myndlistanámskeið fyrir börn á aldrinum 6-12 ára sem fer fram á Kjarvalsstöðum.

Áhersla verður lögð á að kynnast verkum og hugmyndafræði listamansins Jóhannesar S. Kjarvals í gegnum leik, gleði og tilraunir. Við munum gera tilraunir með arfleið Kjarvals og prófa okkur áfram með úrlausnir í ýmsa miðla, tví- og þrívíða ásamt því að fara í vettvangsferðir um nágrennið. Á Kjarvalsstöðum stendur yfir sýningin Hugur og heimur Kjarvals. Námskeiðið er hannað út frá henni en á sýningunni eru sett fram mörg af lykilverkum frá ferli listamannsins sem veita innsýn í þau meginstef sem voru uppistaðan í lífsverki hans svo sem fjölbreytileiki lands okkar og hins vegar það líf og þær táknmyndir sem Kjarval skynjaði í landinu. Við munum því skoða það sem hugurinn nemur ekki síður en það sem augað sér. 

Kennari á námskeiðinu er Þórdís Jóhannesdóttir myndlistarmaður og kennari. 

Til þess að skrá börn þarf að opna skráningarslóð námskeiðsins sem valið er og fylla út skráningarform:

6 daga námskeið 9.-16. júní  
1.    Fyrir hádegi: Kl. 9-12 fyrir 6-9 ára - skráning hér.
2.    Eftir hádegi: Kl. 13-16 fyrir 10-12 ára - skráning hér.

Þátttökugjald kr. 16.000 

9 daga námskeið 20.-30. júní 
3.    Fyrir hádegi: Kl. 9-12 fyrir 6-9 ára - skráning hér.
4.    Eftir hádegi: Kl. 13-16 fyrir 10-12 ára - skráning hér. 

Þátttökugjald kr. 23.000

Nánari upplýsingar veitir fræðsludeild í síma 411 6400 eða á fraedsludeild@reykjavik.is

Frítt fyrir handhafa Árskorts Listasafns Reykjavíkur og Menningarkorts Reykjavíkur