18. maí 2020 - 8:30

Málþing: Samtal um konur, handverk og frjálsa myndlist

Málþing: Samtal um konur, handverk og frjálsa myndlist
Staður viðburðar: 
Kjarvalsstaðir

Athugið að vegna fjöldatakmarkana er skráning nauðsynleg. Þið getið gert það HÉR.

Viðburðinum verður einnig streymt og verður hægt að fylgjast með málþinginu HÉR.

Húsið opnar kl. 8.30, málþingið hefst stundvíslega kl. 9.00. Málþingið fer fram í Vestursal Kjarvalsstaða.

Málþingið er haldið í tengslum við sýninguna Lífsfletir sem er yfirlitssýningin á verkum Ásgerðar Búadóttur. Á sýningunni er verkum Ásgerðar sem spanna allan hennar starfsferil gerð ítarleg skil, allt frá fígúratífum skissum og minni verkum frá námsárunum til stærri, óhlutbundinna verka sem teljast til lykilverka listamannsins. Ásgerður var brautryðjandi á sviði listvefnaðar á Íslandi og í verkum hennar sameinast aldagamlar aðferðir handverksins og frjáls sköpun nútímamyndlistar. 

Þátttakendur munu varpa ljósi á notkun textíls í myndlist á Íslandi og þróun hans í áranna rás, áhrifavalda og þann kraft sem varð til meðal textíllistakvenna á áttunda áratug síðustu aldar m.a. með stofnun Textílfélagsins. Málþinginu mun ljúka með umræðum.

ÞÁTTTAKENDUR
Aldís Arnardóttir, listfræðingur og sýningarstjóri
Lífsfletir – Um líf og list Ásgerðar Búadóttur
Aldís Arnardóttir, sýningarstjóri mun segja frá tilurð sýningarinnar Lífsfletir þar sem hún mun fara yfir ævi og lífsverk Ásgerðar.

Ragnheiður Björk Þórsdóttir, veflistamaður, kennari og sérfræðingur á sviði vefnaðar hjá Textílmiðstöð Íslands
Sitthvað um veftækni Ásgerðar Búadóttur
Ragnheiður Björk gaf nýverið út bókina Listin að vefa þar sem hún fer yfir sögu vefnaðar á Íslandi. Í erindi sýnu mun Ragnheiður m.a. segja frá vefnaðaraðferðum sem Ásgerður notaði og fjalla um þær í sögulegu samhengi

Þorbjörg Þórðardóttir, textíllistarmaður
Viðhorf listamanns
Þorbjörg hefur feril sinn sem textíllistakona á áttunda áratug síðustu aldar og mun segja frá ferli sínum og annara textíllistakvenna. Einnig mun hún fjalla um það starfsumhverfi sem listakonur sem unnu í textíl bjuggu við og þær breytingar sem urðu í kjölfar stofnunar Textílfélagsins, en bæði Þorbjörg og Ásgerður Búadóttir koma að stofnun félagsins.

Frítt er inn á málþingið í tilefni af alþjóðlega safnadeginum. 

Verð viðburðar kr: 
0