3. apríl 2020 - 8:00 til 23:45

Listaverk dagsins: Lykillin að sjálfvirka taugakerfinu

Erró (1932), Lykillin að sjálfvirka taugakerfinu / The Key For The Sympathetic Nerve System, 1961.

Listaverk dagsins er Lykillin að sjálfvirka taugakerfinu frá 1961 eftir Erró (1932).

Í þessu verki er vísunin í ósjálfráða taugakerfið fólgin í fjölmörgum samanfléttuðum, dansandi formum sem mynda gríðarmikið titrandi svæði og flest hafa formin mennskt svipmót. Þegar Erró vann að þessu málverki sagðist hann hafa „sankað að sér gríðarlegum fjölda læknisfræðilegra mynda, líffæraspjalda, skurðlæknarita en allt þetta fékk ég hjá þýskum vini mínum sem hafði erft þetta eftir föður sinn sem var læknir.“

Erró sótti síðan innblástur í þessar myndir þegar hann dró upp myndbygginguna en á grundvelli hennar málaði hann síðan nokkurs konar súrrealísk-expressjóníska landslagsmynd. Eftir á að hyggja á þessi mynd heima í flokki víðáttumynda („scape“-mynda) Errós en það er hugtak varð til árið 1964 og er notað yfir málverk þar sem óhemjulegur fjöldi sams konar hluta myndar nokkurs konar breiðtjaldslandslag á myndfletinum. Árið 1985 fékk þessi mynd nýtt nafn: Taugavíðátta, Nervescape.

Hér má fræðast nánar um sýninguna og sjá myndir frá opnuninni.

Sýning: