20. apríl 2020 - 8:00 til 23:45

Listaverk dagsins: Gingham, Cadmium Red

Hildur Bjarnadóttir, Gingham, Cadmium Red, 2011.

Listaverk dagsins er Gingham, Cadmium Red frá 2011 eftir Hildi Bjarnadóttur.

Hildur byggir upp flöt málverkanna frá grunni þar sem hún hefur tekið samskonar hörþræði og notaðir eru í málverkastriga, litað þá með akrýl, ofið á ný í köflótt mynstur og strengt aftur á blindrammann. Verkið verður í senn handvefnaður og hefðbundið málverk. Með aðferðum handverksins varpar hún gagnrýnu ljósi á staðlaðar hugmyndir um málverk og leitast við að eyða þeirri aðgreiningu sem gjarnan er gerð á milli handverks og myndlistar.

Hér má sjá myndir frá sýningu Hildar á Kjarvalsstöðum 2016.