28. nóvember 2019 - 10:00 til 16:00

List í almannarými: Þýðing og uppspretta

Ólöf Nordal, Geirfugl, 1998.
Staður viðburðar: 
Kjarvalsstaðir

Á ráðstefnunni verður rætt um list í almannarými og þýðingu hennar fyrir nærsamfélög og samfélög í heild. Sérstakur gaumur verður gefinn að uppsprettu slíkra verkefna, hvernig verða þau til, hvernig eru þau fjármögnuð, skipulag og utanumhald.

Fyrr á árinu stóð Listasafn Reykjavíkur fyrir þrem málþingum tengdu þessu umræðuefni undir yfirskriftunum Hvað er almannarými, Deilur um list í almannarými og Þróun og framtíð listar í almannarými. Hefur þessi dagskrá verið hluti af ári listar í almannarými hjá Listasafni Reykjavíkur. Ráðstefnan er haldin í samstarfi við Hafnarborg og Rannsóknarsetur í safnafræðum. 

Aðalfyrirlesari er Tyra Dokkedahl sem er sjálfstætt starfandi sýningarstjóri og blaðamaður sem sérhæfir sig í list í almannarými. Áður vann hún hjá the Danish Building and Property Agency sem Head of Art Commissions and Acquisitions.

Aðrir fyrirlesarar eru arkitektinn Steve Christer hjá Stúdíó Granda, Ágústa Kristófersdóttir safnstjóri Hafnarborgar sem talar fyrir hönd Rannsóknarseturs í safnafræðum, listamennirnir Anna Hallin, Olga Bergmann, Carl Boutard og Ólöf Nordal ásamt Erni Baldurssyni frá Framkvæmdasýslu ríkisins.

Ólöf Kristín Sigurðardóttir safnstjóri Listasafns Reykjavíkur heldur opnunarávarp og Sigurður Trausti Traustason deildarstjóri safneignar og rannsókna hjá Listasafni Reykjavíkur stýrir ráðstefnunni.

Innifalið í ráðstefnugjaldi er kaffi yfir daginn og léttur hádegisverður frá Klambrar Bistro.

Skráning hér

Verð viðburðar kr: 
2 500