1. júlí 2022 - 0:00 til 31. ágúst 2022 - 0:00

List í almannarými: Eitthvað að bíta í

Dagný Guðmundsdóttir, Eitthvað að bíta í, 2018
Staður viðburðar: 
Á mótum Safamýrar og Háaleitisbrautar

Eitthvað að bíta í eftir Dagnýju Guðmundsdóttur er hraukabeð með kryddjurtum og ætum blómum fyrir gesti og gangandi að nýta fyrir næstu máltíð. Verkið er í opnu rými milli Safamýrar og Háaleitisbrautar, bak við Verslunarmiðstöðina Miðbæ. Þegar kominn er góður vöxtur í plönturnar er gestum velkomið að tína upp í sig eða sækja jurtir fyrir næstu máltíð.

Verkið var unnið fyrir sýninguna Hjólið sem Myndhöggvarafélagið í Reykjavík stóð fyrir árið 2018. Listasafn Reykjavíkur gerði samning við listakonuna um að grisja og bæta við plöntum í beðið á vorin og fræða fólk um verkið.