16. október 2021 - 11:00

Leikum að list: Dansandi tré og fljúgandi perlur

Leikum að list: Dansandi tré og fljúgandi perlur. Ljósmynd: Áslaug Guðrúnardóttir.
Staður viðburðar: 
Hafnarhús

Fjölskylduleiðsögn með leikjum um sýninguna Iðavöllur: Íslensk myndlist á 21. öld.

Skráning HÉR

Í sýningunni koma saman fjórtán öflugir listamenn sem hafa umbreytt Hafnarhúsinu með verkum sínum og þeirri grósku sem einkennir íslenska myndlistarsenu. Listamenn sem líta má á sem leiðandi afl sinnar kynslóðar. Nokkuð er liðið síðan staðan var tekin á þeim hræringum sem eru í deiglunni meðal þeirra listamanna sem eru í mestum vexti og blóma á sínum ferli og endurspegla viðfangsefni og nálgun samtímans.

Nýr inngangur í Hafnarhús! Gengið inn um bakdyrnar – frá Naustum (milli Hafnarhúss og Tollhúss).

Ókeypis fyrir börn fram til 18 ára aldurs. Dagskráin er miðuð að því að börn komi í fylgd fullorðinna og að heimsóknin sé þannig skemmtileg og skapandi samvera milli kynslóða.

Aðgöngumiði á safnið gildir. Frítt fyrir handhafa Árskorts Listasafns Reykjavíkur og Menningarkorts Reykjavíkur.