8. janúar 2023 - 14:00

Leiðsögn sýningarstjóra: Jæja

Leiðsögn sýningarstjóra: Jæja
Staður viðburðar: 
Kjarvalsstaðir

Markús Þór Andrésson sýningarstjóri verður með leiðsögn um sýninguna Guðjón Ketilsson: Jæja á Kjarvalsstöðum sunnudaginn 8. janúar kl. 14.00.

Skráning HÉR

Á yfirlitssýningunni Jæja um listferil Guðjóns er von á ýmsu. Þar má sjá skúlptúra samsetta úr fundnum húsgögnum sem hann hefur meðhöndlað á sinn einstaka hátt, fínpússaða trémuni sem líkjast fáséðum nytjahlutum á minjasafni, hárnákvæmar teikningar af líkamspörtum, hús og byggingar af öllum gerðum, samsafn af drasli sem hann hefur viðað að sér og raðað upp í eina heild, ljósmyndir af uppröðuðum munum og fatnað – allskonar fatnað útskorinn í tré, eins og skó, lendarskýlur og hatta. Öll eru verkin á mannlegum skala, þau spretta úr samspili hugar og handar og virka eins og framlenging á manneskjunni.

Aðgöngumiði á safnið gildir. Frítt fyrir handhafa Árskorts Listasafns Reykjavíkur og Menningarkorts Reykjavíkur.