15. apríl 2023 - 14:00

Leiðsögn sýningarstjóra: Andardráttur á glugga

Staður viðburðar: 
Ásmundarsafn

Markús Þór Andrésson sýningarstjóri verður með leiðsögn um sýninguna Andardráttur á glugga í Ásmundarsafni laugardaginn 15. apríl kl. 14.00.

Heimur trölla, álfa, drauga og annarra kynjavera opnast á sýningunni Andardráttur á glugga í verkum Siggu Bjargar og Ásmundar Sveinssonar.

Sigga Björg er kunn af hugmyndaríkum teikningum sínum, innsetningum, myndböndum og bókverkum. Á þessari sýningu vinnur hún meðal annars nýja myndröð út frá íslenskum þjóðsögum. Sagnaminni og þjóðsögur sem Ásmundur kynntist í æsku rötuðu líka beinum eða óbeinum hætti inn í verk hans.

Aðgöngumiði á safnið gildir. Frítt fyrir handhafa Árskorts Listasafns Reykjavíkur og Menningarkorts Reykjavíkur.