Klúbbur Listahátíðar: Drosophila - gjörningur eftir Borghildi Indriðadóttur

Rauðeygða ávaxtaflugan Drosophila melangogaster hefur í rúma öld verið helsta tilraunadýr erfðafræðinga og skipt sköpum í rannsóknum á kynferði, kynlitningum og kynhegðun. Ávaxtaflugan er innblástur gjörnings Borghildar Indriðadóttur, „Drosophila“, sem hefst á Austurvelli og lýkur í Klúbbi Listahátíðar.

Hreyfingar, hópamyndun og hegðun ávaxtaflugunnar eru kveikjurnar að hreyfingum gjörningahópsins og í rauða litnum endurspeglast vald, áræðni og einbeiting. Gjörningurinn tengist ljósmyndasýningu Borghildar, DEMONCRAZY á Austurvelli. 

Að gjörningi loknum verður blásið til opnunar á DEMONCRAZY í Klúbbi Listahátíðar.

#demoncrazy