Hádegisleiðsögn á afmælisdegi Ásmundar Sveinssonar

Edda Halldórsdóttir sýningarstjóri verður með leiðsögn um sýninguna Rósa Gísladóttir og Ásmundur Sveinsson: Loftskurður á afmælisdegi Ásmundar, föstudaginn 20. maí kl. 12.30.

Ásmundur Sveinsson (1893–1982) fæddist að Kolsstöðum í Dölum 20. maí árið 1893. Hann var á meðal frumkvöðla íslenskrar höggmyndalistar og einn þeirra sem kynntu fyrir Íslendingum nýjar hugmyndir í myndlist 20. aldar. Listasafn Reykjavíkur varðveitir listaverk Ásmundar. 

Frítt er inn Ásmundarsafn allan daginn frá kl. 10-17.00. Verið öll hjartanlega velkomin!