22. maí 2021 - 12:00 til 13:00

Hádegi með hönnuði: Björn Steinar Blumenstein

Björn Steinar Blumenstein: Babb
Staður viðburðar: 
Ásmundarsafn

Björn Steinar Blumenstein vöruhönnuður talar um óróann Babb og segir frá ferlinu frá hugmynd til framleiðslu.

Athugið að skráning er nauðsynleg HÉR.

Babb er líflegur órói sem vísar til efnisheims Ásmundar Sveinssonar myndhöggvara og framþróunar hans sem listamanns. Ólík efni sem einkenna mismunandi tímabil í listsköpun hans dansa jafnvægisdans og lífga upp á tilveruna.  

Viðburðurinn er hluti af sýningu Listasafns Reykjavíkur á HönnunarMars - Hönnun í anda Ásmundar - þar sem sýnd er hönnun fimm vöruhönnuða fyrir safnverslun Listasafns Reykjavíkur í Ásmundarsafni. Myndheimur Ásmundar hefur verið uppspretta hugmynda að nýjum nytjavörum sem gera minningu listamannsins, hlutdeild hans í íslenskum menningararfi og handverksarfleifð hátt undir höfði.

Aðrir hönnuðir sem taka þátt í verkefninu eru Brynhildur Pálsdóttir, Friðrik Steinn Friðriksson, Hanna Dís Whitehead og Tinna Gunnarsdóttir.

Verð viðburðar kr: 
0