18. janúar 2015 - 15:00

Fyrirlestur og listamannaspjall: Monika Grzymala

Staður viðburðar: 
Hafnarhús

Fyrirlestur og listamannaspjall Moniku Grzymala á síðasta degi sýningarinnar Myndun, alþjóðlegrar samsýningar sjö listamanna í Hafnarhúsi. Monika Grzymala er þekkt fyrir staðbundnar innsetningar í formi þrívíðra teikninga sem verða til við könnun á aðstæðum, upplifun og hughrifum hennar af þeim stöðum hún sýnir á hverju sinni. Innsetningar listamannsins eru unnar með ýmsum hverfulum efnum - svo sem límbandi, handgerðum pappír og fundnu efni – og verkin eru þannig tímabundin inngrip í umhverfið. Verk Grzymala hafa verið sýnd víða um heim á undanförnum árum, m.a. í MoMA í New York (2010), á tvíæringnum í Sydney (2012), tvívegis í FRAC Lorraine Collection í Metz (2011 and 2013) og í Kunsthalle Hamburg (2013). Grzymala er fædd í Póllandi en hefur búið í Þýskalandi frá árinu 1980 og starfar í dag í Berlín. Fyrir sýninguna Myndun vann Monika Grzymala verkið “The making of Forming Something New”, blekteikningar á pappír sem sendar voru gegnum faxtæki á sýningartímabilinu. Á fyrirlestrinum mun Gryzmala fjalla um listsköpun sína og í framhaldi ganga með gestum um sýninguna og segja frá verki sínu. Á sýningunni eru einnig verk eftir Tomas Saraceno, Ernesto Neto, Rögnu Róbertsdóttur, Ryuji Nakamura, Rintaro Hara og Mona Hatoum. Sýningarstjóri er Ingibjörg Jónsdóttir. Fyrirlesturinn hefst kl. 15 og fer fram á ensku.

Sýning: 
Verð viðburðar kr: 
1 400