16. nóvember 2019 - 13:00 til 14:00

Fjölskylduleiðsögn − súkkulaðiskúlptúr, geirfuglar og forystufé

Fjölskylduleiðsögn: Súkkulaðiskúlptúr, geirfuglar og forystufé
Staður viðburðar: 
Kjarvalsstaðir

Skemmtileg fjölskylduleiðsögn með leikjaívafi um sýningu Ólafar Nordal, Úngl, á Kjarvalsstöðum laugardaginn 16. nóvember kl. 13.00. Tilvalið fyrir fjölskylduna að skemmta sér saman og læra í leiðinni um verk listamannsins og sögurnar á bak við tjöldin.

Aðgöngumiði á safnið gildir, en að sjálfsögðu er ókeypis fyrir börn fram til 18 ára aldurs. Gert er ráð fyrir að börn komi í fylgd fullorðinna.
 

LEIKUM AÐ LIST er yfirskrift fjölskyldudagskrár Listasafns Reykjavíkur. Þar eru börn sérstaklega boðin velkomin í safnið ásamt foreldrum sínum til þess að skoða og upplifa myndlist í gegnum leiki og skemmtilegar umræður. Boðið er upp á fjölskylduleiðsagnir sem sniðnar eru að yngri áhorfendum um sýningar í öllum safnhúsunum. Þá eru listasmiðjur fyrir börn og fjölskyldur þeirra þar sem gaman er að skapa sín eigin listaverk saman eftir heimsókn í sýningarsalina. Við LEIKUM AÐ LIST reglulega allt árið um kring og það er um að gera að fylgjast með á dagskrársíðu safnsins. Fjölskyldurýmin eru síðan alltaf opin, Hugmyndasmiðjan á Kjarvalsstöðum, Stofa í Hafnarhúsinu og Augnablik í Ásmundarsafni.

Skráðu þig á póstlista Listasafns Reykjavíkur og fáðu upplýsingar um skemmtilega fjölskylduviðburði og aðrar uppákomur á vegum safnsins. Handhafar Árskorts Listasafns Reykjavíkur og Menningarkorts Reykjavíkur fá frítt á alla viðburði safnsins.

Frítt fyrir handhafa Árskorts Listasafns Reykjavíkur og Menningarkorts Reykjavíkur