17. október 2019 - 20:00
5. desember 2019 - 20:00

EITTHVAÐ úr ENGU: Myndheimur Magnúsar Pálssonar

Magnús Pálsson: EITTHVAÐ úr ENGU
Staður viðburðar: 
Hafnarhús

Leiðsögn sýningarstjóra um sýninguna EITTHVAÐ úr ENGU: Myndheimur Magnúsar Pálssonar í Hafnarhúsi.

Ferill Magnúsar Pálssonar einkennist af því hversu víða listamaðurinn hefur komið við og markað spor. Sem kennari hefur hann haft mikil áhrif á kynslóðir listamanna. Í leikhúsi hefur hann skapað nýstárlegar sviðsmyndir og tilraunakennd leikverk. Sem gjörningalistamaður er Magnús ótvíræður frumkvöðull. Í myndlist er hann lykilmaður í hinum miklu breytingum sem urðu á þeim vettvangi á sjöunda og áttunda áratugnum. Við endurskoðun á eðli listsköpunar varð til nýtt myndmál sem byggðist á gagnrýnni afstöðu til listasögunnar fram að því en opnaði um leið nýjar leiðir til framtíðar. Magnús prófaði sig áfram með verk sem að sumu leyti voru í anda flúxus, pop og konseptlistar en eru að sama skapi algjörlega einstök.

Aðgöngumiði á safnið gildir.

Frítt fyrir handhafa Árskorts Listasafns Reykjavíkur og Menningarkorts Reykjavíkur