7. júlí 2016 - 15:00
8. júlí 2016 - 15:00
9. júlí 2016 - 15:00

Eilíf endurkoma: Styrmir Örn Guðmundsson kinkar kolli til Kjarvals

Staður viðburðar: 
Kjarvalsstaðir

Leiðsöngvahljóðsögn um sýninguna Jóhannes S. Kjarval: Hugur og heimur. 

Áhugafólk og aðdáendur Kjarvals sem og ókunnir verða þræddir um safnið með músíkalskri leiðsögn í umsjón Styrmis Arnar Guðmundssonar. Úr hæðum hálendisins berst hugvíkkandi hljóðrás sem er sérútbúin til að koma okkur í öruggan tilfinningatrans til safaríkrar upplifunar á verkum Kjarvals. Þá mun Styrmir túlka vel valin verk meistarans og fræða gesti með kaleidóskópískum aðferðum.

Styrmir Örn Guðmundsson (f. 1984) er sögumaður, dansari, söngvari og myndskreytari. Hann hrífst af hinu fjarstæðukennda, en með því er frekar átt við milda og kærleiksríka afstöðu en þráhyggju fyrir hinu fáránlega. Hann ber umhyggju fyrir hinu fjarstæðukennda. Hann aðstoðar það við að þróast. Hann gefur því pláss meðfram öllu öðru, þar sem það getur tekið form hins óþolandi nágranna eða þíns besta vinar. Styrmir býr í Varsjá.

Fjöldi þátttakenda er takmarkaður hverju sinni:
8. júlí kl. 15 - skráning hér
9. júlí kl. 15 - skráning hér

Aðgöngumiði á safnið gildir. Frítt fyrir handhafa Árskorts Listasafns Reykjavíkur og Menningarkorts Reykjavíkur.